යුක්තිය වෙනුවෙන් දිගු ගමන යාපනයේ ජාත්යන්තර සම්මන්ත්රණය පැවැත්වේ.
අන්තර්ජාතික බලහත්කාරයෙන් අතුරුදන් කළ පුද්ගලයන්ගේ දිනයට සමගාමීව 2026 අගෝස්තු 30 දින යාපනයේ යුක්තිය වෙනුවෙන් දිගු ගමන යන තේමාව යටතේ ජාත්යන්තර සම්මන්ත්රණයක් පැවැත්විණි.
මෙම සම්මන්ත්රණය උතුරු – නැගෙනහිර බලහත්කාරයෙන් අතුරුදන් කරන ලද පුද්ගලයන්ගේ ඥාතීන්ගේ සංගමය විසින් සංවිධානය කර තිබුණි.
සම්මන්ත්රණය සඳහා බලහත්කාරයෙන් අතුරුදන් කරන ලද පුද්ගලයන්ගේ පවුල් රැසක් සහභාගී විය.
මීට අමතරව එක්සත් ජාතීන්ගේ බලහත්කාරයෙන් අතුරුදන් කිරීම් පිළිබඳ විශේෂඥ අනා ලොරේනා ඩෙල්ගාඩිලෝ පෙරෙස් මහත්මිය, ජාත්යන්තර ක්ෂමා සංවිධානයේ දකුණු ආසියානු කලාපීය අධ්යක්ෂ සහ රාජ්ය තාන්ත්රික නියෝජිතයන් කිහිප දෙනෙකු ද මෙම අවස්ථාවට එක්ව සිටියහ.
සම්මන්ත්රණයේදී වසර ගණනාවක් තිස්සේ තම ඥාතීන් සම්බන්ධයෙන් *සත්යය, සාධාරණත්වය සහ වගකීම* ඉල්ලා සිටින පවුල්වල දිගුකාලීන අරගලය කෙරෙහි අවධානය යොමු කෙරිණි.
බලහත්කාරයෙන් අතුරුදන් කිරීම්වලට ලක් වූවන්ගේ ඉරණම අනාවරණය කිරීම සහ වගකිවයුත්තන් නීතිය හමුවට ගෙන ඒමේ අවශ්යතාවය මෙහිදී අවධාරණය කරන ලදී.
මෙම සම්මන්ත්රණය මගින් ජාත්යන්තර ප්රජාවේ අවධානය නැවත වරක් ශ්රී ලංකාවේ අතුරුදන් වූවන්ගේ ගැටලුව වෙත යොමු කිරීමට සංවිධායකයින් අපේක්ෂා කළහ.
ඡායා – කුමනන් කානා
