ඩෙල්ටා ප්‍රභේදය ආසාදනය වූ පුද්ගලයන්ට රෝග ලක්ෂණ මතුවීමට දින දෙකකට පෙර සිට වෙනත් පුද්ගලයෙකුට වෛරසය පැතිරවීමේ හැකියාව පවතින බව අන්තර්ජාතික නේචර් (Nature) සඟරාව අනාවරණය කරයි.හොංකොං විශ්වවිද්‍යාලයේ වසංගත රෝග විද්‍යාඥයකු වන බෙන්ජමින් කව්ලිං මීට අදාළ අධ්‍යයනයක නිරතව ඇත.
එම අධ්‍යයනයේදී හෙළිවී ඇති ආකාරයට ඩෙල්ටා ප්‍රභේදය ආසාදනය වූ පුද්ගලයන්ගේ රෝග ලක්ෂණ මතුවීමට පෙර වයිරසය ව්‍යාප්තවීම පැහැදිලිවම ආරම්භ වේ. ඒ අනුව මෙම ප්‍රභේදය ‘වැළැක්වීම වඩාත් අපහසු’ බව බෙන්ජමින් කව්ලිං ප්‍රකාශ කර තිබේ.
