මඩකලපුව සිද්ධාණ්ඩි ප්රධාන මාර්ගයේ මාදවන සහ මයිලත්තමඩු කිරි ගොවින්ගේ අරගලය අද වන විට 966 වන දිනට පිය නගා ඇත. තණබිම් සම්බන්ධ ගැටලු ජනාධිපතිවරයාගේ අවධානයට යොමු කිරීම සඳහා පසුගියදා සිද්ධාණ්ඩියේදී මාධ්ය හමුවක් පැවැත්විණි.
කිරි ගොවින්ගේ සංගමයේ සභාපති සී. නිමලන්ගේ ප්රධානත්වයෙන් පැවති හමුවේදී, මඩකලපුවට පැමිණීමට නියමිත ජනාධිපතිවරයා තමන් හමුවී සාකච්ඡා කිරීමට අවසර දෙන ලෙසත්, දීර්ඝ කාලයක් තිස්සේ පවතින තණබිම් ගැටලුවට විසඳුමක් ලබාදී ජීවනෝපාය සකස් කර දෙන ලෙසත් ඉල්ලා සිටියේය.
ප්රධාන ගැටලු:
ඉඩම් ආක්රමණය
වට්ටමඩු හෝ මයිලන්තමඩු වැනි ප්රදේශවල දෙමළ කිරි ගොවීන් පවසන්නේ තම සාම්ප්රදායික තණබිම් බුල්ඩෝසර් මගින් ඉවත් කර අනුමැතියක් නොමැති වී ගොවීන් විසින් අල්ලා ගත් බවයි. බොහෝ විට මොවුන් වෙනත් ප්රදේශවලින් පැමිණි පදිංචිකරුවන් වන අතර රාජ්ය අනුග්රහය ඇති බවට චෝදනා එල්ල වේ.
තණබිම් අහිමිවීම සහ ගව මරණ
තණබිම් අහිමිවීම නිසා 200-300 සතුන්ගෙන් යුත් විශාල රැළවලට ආහාර නොමැතිව ගොස් ඇත. 2025 දී ආහාර හිඟය නිසා ප්රදේශයේ ගවයන් 30ක් පමණ මිය ගිය බව වාර්තා විය.
පවතින අර්බුදය බොහෝ පවුල් අන්තයට තල්ලු කර ඇති අතර, ගොවීන් තම තණබිම් නැවත ලබා දී ජීවනෝපාය ආරක්ෂා කිරීමට රජයේ හදිසි මැදිහත්වීමක් ඇවැසිව තිබේ
රුද්රන් – පාසිකුඩා
