ශ්රී ලංකාවේ කැසිනෝ ක්රීඩා කර එයින් ජයග්රහණය කළ රුපියල් දෙකෝටි හැත්තෑ පන් ලක්ෂ විසි හතර දහසක් වටිනා ඇමෙරිකානු ඩොලර් තොගයක් නීතිවිරෝධී ලෙස ඉන්දියාවට රැගෙන යෑමට තැත් කළ චීන සහ නේපාල ජාතිකයන් සිව් දෙනෙකු අද (17) උදෑසන කටුනායක ගුවන් තොටුපොළේ දී රේගු නිලධාරීන් විසින් අත් අඩංගුවට ගෙන ඇත.
මෙම පිරිස විසින් ඔවුන් රැගෙන ආ ගමන් මලු තුළ සහ ඇඳ සිටි කළිසම් වල සාක්කු වල මෙම ඇමෙරිකානු ඩොලර් 169,900 සගවා ගෙනසිට ඇති අතර අද උදෑසන 5.40 ට ඉන්දියාවේ මුම්බායි බලා පිටත්ව යන ජෙට් එයාර් වේස් ගුවන් සේවයේ 9W255 දරණ ගුවන් යානයෙන් මෙරටින් පිටත්වීම සදහා ගුවන්තොටුපලට පැමිණ ඇත.
