එකම පවුලේ සහෝදර සහෝදරියන් තිදෙනෙකුගේ මළ සිරුරු වගා ළිදකින් හමුවීමේ ශෝකජනක පුවතක් ගලේවෙල රන්වැඩියාව, කොස්පොත ඇළ ප්රදේශයෙන් වාර්තා වෙයි.
අද (19) උදෑසන සිට ළමුන් තිදෙනා අතුරුදන්ව සිටි බැවින්, ඒ පිළිබඳව සොයා බැලීමේ දී එම ළිඳ තුළ තිබී ඔවුන්ගේ සිරුරු හමුව ඇත.
වයස අවුරුදු 15 ක් හා 12 ක් වන ගැහැණු ළමුන් දෙදෙනෙකු හා ඔවුන්ගේ 7 හැවිරිදි සහෝදරයා එලෙස මියගොස් තිබේ.
මෘත ශරීර මේ වන විට ගලේවෙල රෝහලේ තැන්පත් කර ඇති අතර ගලේවෙල පොලීසිය සිදුවීම සම්බන්ධයෙන් වැඩිදුර විමර්ශන සිදුකරයි.
