ඔඩ්ඩුසුඩාන්, පුදුක්කුඩියිරුප්පුවේදී පානීය ජල ව්‍යාපෘතිය සහ නිවාස 4 ක් සඳහා යුද හමුදාව භාර දෙයි.
මුලතිව් දිස්ත්‍රික්කයේ ඔඩ්ඩුසුඩාන් සහ පුදුක්කුඩියිරුප්පු යන ප්‍රාදේශීය ලේකම් කොට්ඨාශවල 64 වන බලසේනාව විසින් රුපියල් මිලියන 40 ක පමණ පානීය ජල ව්‍යාපෘතියක් පසුගියදා ප්‍රෙද්ශයේ නිවාස අහිමි ජනතාවට භාර දෙන ලදී.
මුතුජයන්කට්ටු කුලම් ග්‍රාම නිලධාරි වසමේ පදිංචි සිය සැමියා අහිමි, සිව්දරු මවක් වන රාජරත්නම් රාජේෂ්වරී මහත්මියට ඊයේ (12) වනදා පෙරවරු 9.00 ට නිවසක් ලබා දීමේ උත්සවය පැවැත්විණි. ඉන් අනතුරුව ඔඩ්ඩුසුඩාන් ග්‍රාමයේ සහ මානවාලන්පත්තමුරිප්පු ග්‍රාමයේ නිවාස අහිමි පුද්ගලයන් හට නිවාස පරිත්‍යාගය සිදුකරන ලදී.
