මඩකලපුව දිස්ත්‍රික්කයේ වාකරේ ප්‍රාෙද්ශීය ලේකම් කොට්ඨාශයේ මාවඩිඔඩෙයි ගම්මානයේ හදිසියේ ඇති වූ අකුණු සැර වැදීමෙන් ගොවියෙකුගේ ගවයින් 27 දෙනෙකු මියගොස් තිබේ. මෙම අකුණු සැර වැදීම සිදුවී ඇත්තේ අගෝස්තු 31 වනදායි. එදින ඇතිවූ ගිගුරුම් සහිත වැසි හේතුවෙන් අකුණු සැර වැදීමෙන් ගවයින් 27 දෙනෙකු මියගොස් ඇති බවත් ඒ හේතුවෙන් එක රැයකින් රුපියල් ලක්ෂ 20 ක් පමණ අහිමි වී ඇති බවත් ගොවියෙකු වන තම්පි අයියා රන්ජන් මහතා පවසයි.
‘මෙම සිදුවීමෙන් අපට ජීවනෝපායන් අහිමි වෙලා තියෙනවා. එයින් ලැබෙන ආදායම සමඟ අපි අපේ දරුවන්ගේ අධ්‍යාපනය සමඟ අපේ ජීවිතය ඉදිරියට ආවා. සිදුවූ මෙම අලාභය හේතුවෙන් මේ වන විට අපට මුළු ආදායමම අහිමි වෙනවා ‘ ගොවියාගේ බිරිඳ පැවසුවාය.
මෙම සිදුවීම පවුල ඔවුන් මහත් ශෝකයකට ඇද දමා ඇත. මියගිය ගවයින්ව බැකෝ යන්ත්‍රයක් මගින් වළලනු ලැබීය.
දේවා
