අද සිට ක්‍රියාත්මක වන පරිදි පළාත් මට්ටමේ වෘත්තීය ක්‍රියාමාර්ගය අත්හිටුවීමට රජයේ වෛද්‍ය නිලධාරීන්ගේ සංගමය තීරණය කර තිබේ.
නොවැම්බර් 09 වනදා ජනාධිපතිවරයා සමඟ පැවති සාකච්ඡාව සම්බන්ධයෙන් රෝගීන් මුහුණ දෙන අපහසුතාව සහ යහපත් ප්‍රතිචාර සැලකිල්ලට ගනිමින් මෙම තීරණය ගෙන ඇත.
කෙසේ වෙතත්, නැවත දැනුම් දෙන තුරු VIP සෞඛ්‍ය ආරක්ෂණ මෙහෙයුම් සඳහා ජංගම ගිලන්රථ සේවාවලින් ඉවත් වන බවත්, නැවත දැනුම් දෙන තුරු රෝහල් රාජකාරිවලින් පිටත සැලසුම් කර ඇති ජංගම සායන ඇතුළු වෙනත් අදාළ නොවන රාජකාරි කටයුතුවලින් ඉවත් වන බවත් GMOA අවධාරණය කර ඇතැයි ඩේලි මිරර් වෙබ් අඩවිය වාර්තා කර තිබේ
GMOA මෙම වෘත්තීය ක්‍රියාමාර්ග නිවේදනය කළේ විදේශගත වීමට අපේක්ෂාවෙන් සිටින වෛද්‍ය නිලධාරීන් රඳවා තබා ගැනීමට රජය ගතහැකි පියවර නොගැනීමට විරෝධය පළකරමිනි.
