මේ වසරේ ඔක්තෝබර් මස 01 වන දින සිට ක්‍රියාත්මක වන පරිදි දුම්රිය ගාස්තු ඉහළ නැංවීමට ප්‍රවාහන හා සිවිල් ගුවන් සේවා අමාත්‍යංශය තීරණය කර ඇති අතර ඒ පිළිබදව මේ වන විට අමාත්‍ය මණ්ඩලය දැනුවත් කර ඇති බවත් ඊට අදාළ ගැසට් නිවේදනය ඉදිරියේදී නිකුත් කිරිමට නියමිත බවත් වාර්තා වෙයි.
මෙම නව ගාස්තු සංශෝධනය යටතේ දුම්රිය ගාස්තු 15%කින් පමණ ඉහල යනු ඇති බව වාර්තා වන අතර අවම ගාස්තුව වන රුපියල් 10 සංශෝධනය නොවන බවද ප්‍රවාහන හා සිවිල් ගුවන් සේවා අමාත්‍යංශය සඳහන් කරයි.
