පාසල් ශිෂ්‍ය ශිෂ්‍යාවන් සහ ගුරුවරුන් වැඩි ප්‍රමාණයක් සිටින පාසල් පරිපාලනය කිරීමේ පහසුවට පාසල් කලමනාකරුවෙකු පත් කිරීම යෝජනාවක් අධ්ප‍යාන අමාතයංශ්‍යයට ලැබී තිබේ.
ජාතික පාසල් පරිපාලන කටයුතුවල පවතින අධික තදබදයට පිළියමක් ලෙස මෙලෙස කළමනාකාරවරයකු පත්කරන ලෙසත්, එවිට පාසලේ විදුහල්පතිවරයාගේ වගකීම් ලිහිල් කිරීමක් සිදුකළ හැකි බවත් අධ්‍යාපනඥයන් සහ විදුහපතිවරුන් විසින් මෙලෙස අධ්‍යාපන අමාත්‍යවරයාට යෝජනාකර ඇත.
ඒ අනුව ළමයින් සහ කාර්යමණ්ඩලයේ පරිපාලන කටයුතු, ළමයින් ඇතුළත් කරගැනීමේ කටයුතු, පාසලේ උත්සව සංවිධානයකිරීමේ කටයුතු ආදී වගකීම් මෙම පරිපාලන නිලධාරියාට පැවරීමට ඇති හැකියාව පිළිබඳවද සොයා බැලීමට ඇමැති අඛිල විරාජ් කාරියවසම් තීරණය කර තිබේ.
විශ්වවිද්‍යාල තුළ පවතින ලේඛකාධිකාරී තනතුරට සමාන තනතුරක් හෝ පරිපාලන නිලධාරී ලෙස මෙම තනතුර පත්කිරීමට ඇති හැකියාව පිළිබඳ සොයා බලා කටයුතු කිරීමට අධ්‍යාපන අමාත්‍ය අකිල විරාජ් කාරියවසම් මහතා අමාත්‍යාංශ නිලධාරීන්ට උපදෙස් තිබේ.
ජාතික පාසල් තුළ විදුහල්පතිවරුන්ට රාජකාරි බහුලවී ඇති බවත්, ළමයින් සහ කාර්යමණ්ඩලය වැඩිවනවිට එම කටයුතු තවත් කාර්යබහුල වන බැවින් විදුහල්පතිවරුන් පීඩාවට පත්වන බවත් අධ්‍යාපනඥයන් විසින් පෙන්වා දී ඇත.
කෙසේ නමුත් මීට වසර ගනනාවකට පෙරද පාසල් සඳහා කලමනාකරුවකු පත් කිරීමේ යෝජනාවක් ඉදිරිපත් වී තිබිණි. එහේදී විදුහල්පතිවරයාව කළමනාකරුවකු ලෙස පත්කිරීමට යොජනා වූවත් එය පාසල් පෞද්ගලිකකරණය කිරීම මූලික පියවරක් ලෙස හඳුන්වමින් ඊට එරෙහිව දැඩි විරෝධතා එල්ල විය.
මේ අනුව මෙම යෝජනාව ප්‍රකාරව ‘කලමණාකරු’ යන වචනය ඇසීමත් ‘ දැවන්ත විරෝධතාවයකට, වැඩ වර්ජනයකට’ නිමිත්තක් විය හැකිය. එල්ලෙන්න වලේ වැල් නැතිව සිටින බංකොලොත් වාමාංශිකයන්ට මේක හොඳ අවස්ථාවකි. රාජපක්ෂලාගේ විපක්ෂයට ටික තලුමරන්න පුලුවන් මාතෘකාවකි.
www.lankadaily.com
