බුද්ධි අංශ නිලධාරීන් බව කියමින් මීගහතැන්න ගොරකා දූව පහේ කනුව ප්‍රදේශයේ දී වාහන පරීක්ෂාවේ යෙදී සිටි යුද හමුදා සෙබලෙකු හා තවත් පුද්ගලයෙකු අත්අඩංගුවට ගැනීමට මීගහතැන්න පොලීසිය ඊයේ (18) කටයුතු කර ඇත.
මෙසේ අත්අඩංගුවට ගත් හමුදා සෙබලා කොම්පඤ්ඤ විදිය හමුදා කඳවුරේ රියදුරෙක් බවත් එහි සේවය කරන බිගේඩියර් වරයකුට අයත් නෙළුව ප්‍රදේශයේ වත්තක සේවය කරන්නෙක් බවත් අනෙක් සැකකරු එම ප්‍රදේශයේම පදිංචිකරුවෙකු බවත් පරීක්සණ වලදී අනාවරණය වී ඇත.
සැකකාර හමුදා සෙබළා සන්තකේ හමුදාවෙන් නිකුත් කළ හැඳුනුම්පත් තුනක් , රුපියල් 20,000 මුදලක් ඇතුළු තවත් ලිපි ලේඛන රැසක්ද සොයා ගැනීමට පොලිසියට හැකි වී තිබේ.
