ඛනිජ තෙල් වෘත්තීය සමිති නාඩගම !

රජය විසින් ඉකුත් දා මෙරට ඛනිජ තෙල් වෙළෙඳ පොළ විදේශීය සමගම් වෙත විවෘත කිරීම සිදු කල අතර ඒ සඳහා විදේශීය තෙල් සමාගම් තුනක් සිය මෙහෙයුම් රට තුළ සිදු කිරීමට රජය සමඟ ගිවිසුම් ගත වී ඇත.

එහෙත් ඊට විරෝධය පළ කරමින් ලංකා ඛනිජ තෙල් වෘත්තීය සමිති එකමුතුව පෙරේදා සිට සත්‍යග්‍රහයක් ආරම්භ කරන ලද අතර එය ඊයේ දිනයේ දී වෘත්තීය ක්‍රියාමාර්ගයක් බවට පත් විය. ඒ, ඛනිජ තෙල් නීතිගත සංස්ථාවේ සේවකයන් ඉන්ධන පිරවීම හා බෙදා හැරීමෙන් ඉවත් වෙමිනි.වෘත්තීය සමිති ප්‍රකාශ කරන්නේ මෙරට තුළ විදේශීය සමාගම් ඉන්ධන ආනයනය කිරීම හා බෙදාහැරීම සඳහා තමන් දැඩි ලෙස විරුද්ධ වන බවයි. මෙරට රජය සතු ඉන්ධන ඒකාකාරීය වෙනත් සමාගම් සඳහා නොදිය යුතු බව ඔවුන් ප්‍රකාශ කරයි.

පෞද්ගලික අංශයට ඉන්ධන වෙළෙඳපොළ විවෘත කිරීමෙන් රජයේ අනවශ්‍ය වියදමක් වන ඛනිජ තෙල් සංස්ථාවේ විශාල සේවක පිරිස නඩත්තුවද ක්‍රමයෙන් හීන වී යනු ඇත. රැකියාව කියා කිසිවක් නොකරන උදේ ඇවිත් වෘත්තීය සමිති වලට රිංගගෙන සිටින, වසරේ බහුතර දින ගණනක් වැඩක් නොකර නිකන් හිඳින නමුත් රජයෙන් කලට වේලවට වැටුප් ලබන මහත්වරුන්ට එවිට එළියට බැසීමට සිදු වනු ඇත. තව දුරටත් වෘත්තීය සමිති වල පදයට රජය සහ මෙරට මිනිසුන් ව නැටවීමට එවිට වෘත්තීය සමිති වලට නොහැකි වනු ඇත.

හැමදාම පාඩු ලබන ලංකා ඛනිජ තෙල් නීතිගත සංස්ථාව තව දුරටත් මෙරට ජනතාවගේ බඳු වලින් පෝෂණය නොකල යුතුය. හෙට සිට ගෙදර ඉඳන් රජයෙන් පිං පඩි ගන්නා මහත්වරුන් නම් මෙයට එක හෙළා විරුද්ධ වන්නේ තමන් ට පිනට පඩි ගැනීමට නොහැකි වන බැවිනි.

මේ නිසා ඔවුන් කල බල වී වෘත්තීය ක්‍රියාමාර්ග වලට යනවා ඇත. එහි හොඳම කොටස වන්නේ මෙම වෘත්තීය සමිති මෙහෙයවීම සිදු කරන්නේ ජවිපෙ ඇතුළු මෙරට වාමාංශික පක්ෂයන් විසින් වීමයි. දූෂණයට එරෙහි වාමාංශිකයන් බාවිතයෙන් දූෂකයන් ආරක්ෂා කරන්නේ ඒ ආකාරයට ය. මෙය නිමා කිරීමට කාලය යි. වෘත්තීය සමිති මුහුදේ පැන්න ද රජය ගත් ක්‍රියාමාර්ග නැවත් පිටු පසට නොගත යුතුය.

(carbonnews.lk)

ඔන්න ආයෙත් පෝලිං . මේකට හේතුව තෙල් සංස්ථාව විකුණනවා කියලා සේවකයින් ආරම්භ කරපු  වර්ජනය. සේවකයින් බව්සර් වලට තෙල් දෙන්නේ නෑ. හරවලා යවනවා.

සංස්ථාව විකුණනවා කියලා වර්ජනය කලාට හොයල බලද්දි තාමත් රටේ ඉන්ධන පිරවුම් හල් වල වැඩි අයිතියක් තියෙන්නෙ සංස්ථාවට.

Ceypetco – 740
Lanka IOC – 266
Sinopec – 200
United Petroleum – 200
RM Parks/ Shell – 200

එහෙනම් ඇයි මෙහෙම බොරුවට වර්ජනය කරන්නේ?