මේ දිනවල පාර්ලිමේන්තුව තුල පොහොට්ටුවේ මන්ත්‍රිවරුන්ගේ හැසිරිම පිළිබදව රටපුරාම පිළිකුලක් මතුවෙමින් තිබේ.මේ අය අතර පසුගිය මැතිවරණවලදි මහින්ද රාජපක්ෂට ඡන්දය ලබාදුන් අයද වෙති.මේ අතර කුරුණෑගල දිස්ත්‍රික් පාර්ලිමේන්තු මන්ත්‍රි මහින්ද රාජපක්ෂ මහතා ඊයේ කියා තිබුනේ පාර්ලිමේන්තුව නාඩගම් මඩුවකට සමාන බවය.
මහින්ද රාජපක්ෂ මහතා මෙසේ පැවසූයේ ඊයේ කසාගල පුරාණ විහාරයේ පැවැති පූජෝත්සවයකට සහභාගී වීමට පැමිණි අවස්ථාවේදීය.
රාජපක්ෂ මහතා එසේ කියද්දි අද රටේ ප්‍රධාන කථාව බවට පත්ව ඇත්තේ රාජපක්ෂ කදවුරේ පාර්ලිමේන්තු මන්ත්‍රිවරුන්ගේ මදාවි හැසිරිම ගැනය.
කථානායක අසුන පැහැර ගෙන යාම, කථානායක අසුනට වතුර වැක්කිරිම,කතානායකවරයාට කුණු කුඩවලින් ගැසිම කථානායකවරයාගේ මයික්‍රෆෝනය ඇතුළු තවත් උපකරණ කඩදැමිම සහ පැහැරගෙන යෑම,මන්ත්‍රිවරුන්ට සහ පොලිසියට පුටුවලින් පහර දිම සහ මිරිස් කුඩු ගැසිම මේ මදාවි ක්‍රියා අතරේ වෙයි.
එපමණක් නොව කුමන්ත්‍රණ ආණ්ඩුව විසින් ක්‍රිස්තියානු කටයුකු භාර දි ඇති ජොන්ස්ටන් ප්‍රනාන්දු ඊයේ දිනයේ ඇමති මංගල රාජපක්ෂට බයිබලයෙන් දමා ගැසිම ගැන කිතුණුවන් තුල මහත් විරෝධයක් මතුවෙමින් තිබේ.මේ පිළිබදව කාර්දිනල් වරයා විසින් ප්‍රකාශයක් කළ යුතුව ඇතැයිද සිය විරෝධය සමාජ මාධ්‍ය ඔස්සේ පළකරන කිතුණු ක්‍රියාකාරිහු පවසා සිටිති.
