බ්‍රිතාන්‍යයේ ප්‍රසිද්ධ අඩු මිල වෙළෙඳසැල් ජාලයක් වන Poundland බේරාගැනීම සඳහා විශේෂ සාකච්ඡා ආරම්භ වී තිබේ. වෙළෙඳසැල් 600ක සේවකයින් 12,000කගේ රැකියා අවදානමකට ලක්ව ඇත.
එංගලන්තය ඇතුළු බ්‍රිතාන්‍යයේ බොහෝ දෙනෙකුට හුරුපුරුදු Poundland වෙළෙඳසැල් ජාලයේ අනාගතය පිළිබඳව මේ වන විට දැඩි අවධානයක් යොමුව තිබේ.
Poundland හි වත්මන් හිමිකරුවන් වන ඇමෙරිකානු ආයෝජන සමාගමක් වන Gordon Brothers, මෙම වෙළෙඳසැල් ජාලය විකිණීම සඳහා සාකච්ඡා පවත්වමින් සිටී. ඒ අතර, සමාගමේ කළමනාකාරිත්වය සහ අයර්ලන්තයේ Martin Property Group සමාගම එක්ව ව්‍යාපාරය මිලදී ගැනීමේ සැලැස්මක් පිළිබඳව සාකච්ඡා කරමින් සිටින බව වාර්තා වේ.
Poundland හි අනාගතය පිළිබඳව වෘත්තීය සමිති දැඩි කනස්සල්ල පළ කර තිබේ. යෝජිත මිලදී ගැනීමේ ගනුදෙනුව සාර්ථක නොවුවහොත්, සමාගම බංකොලොත්භාවයට අදාළ පරිපාලන ක්‍රියාවලියකට (Administration) යොමුවීමේ අවදානමක් ඇති බවට අනතුරු අඟවා තිබේ.
එවැනි තත්ත්වයක් ඇති වුවහොත්, වෙළෙඳසැල් 600කට ආසන්න සංඛ්‍යාවක් පවත්වාගෙන යන මෙම ව්‍යාපාරයේ සේවකයින් 12,000කට ආසන්න පිරිසකගේ රැකියා අවදානමකට ලක්වනු ඇත.
(ලන්ඩන් අපි පිටුවෙනි)
