මඩකලපුව, කොක්කඩිචෝලෙ, පඩයාණ්ඩවෙලි ධීවර වරාය අසල පවත්වාගෙන ගිය දැවැන්ත කසිප්පු නිෂ්පාදනාගාරයක් පොලිසිය විසින් වටලා ඇත.
මඩකලපුව දිස්ත්රික් බුද්ධි අංශයට ලද තොරතුරක් මත, කොක්කඩිචෝලෙ පොලිස් ස්ථානයේ අපරාධ විමර්ශන අංශයේ ස්ථානාධිපති වේණුජන් මහතා ප්රමුඛ කණ්ඩායමක් විසින් මෙම වැටලීම සිදුකර තිබේ.
වැටලීමේදී කසිප්පු නිෂ්පාදනයේ යෙදී සිටි සැකකරුවන් පලාගොස් ඇත.
සිද්ධිය වූ ස්ථානයෙන් බැරල් 6ක විශාල ගෝඩා තොගයක්, ලිපක්, තඹ බටයක් සහ කසිප්පු නිෂ්පාදනයට යොදාගන්නා යීස්ට් ඇතුළු උපකරණ තොගයක් සොයාගත් බව පොලිසිය පවසයි.
පලාගිය සැකකරුවන් අත්අඩංගුවට ගැනීම සඳහා කොක්කඩිචෝලෙ පොලිසිය වැඩිදුර විමර්ශන පවත්වයි.
