පසුගිය අප්‍රේල් මාසයේ සිට මේ දක්වා ජාතිවාදය සම්බන්දයෙන් වන දිවයින පුරා සිදුවූ ප්‍රධාන පෙලේ සිදුවීම් 16ක් වාර්ථා වී ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති ප්‍රියන්ත ජයකොඩි මහතා පවසා තිබෙනවා. මේ සිදුවීම් සම්බන්දයෙන් මේ වන විට පුද්ගලයන් 4දෙනෙකු අත්අඩංගුවට ගෙන ඇති බවයි ඒ මහතා වැඩිදුරටත් ප්‍රකාශ කර සිටියේ.
නුගේගොඩ,විජේරාම ප්‍රදේශවල සිදුවූ සිදුවීම් 4ක් සම්බන්දයෙන් සැකපිට මහරගම ප්‍රදේශයේ පදිංචි 32හැවිරිදි පුද්ගලයෙකු පොලීසිය විසින් මේ වන විට අත්අඩංගුවට ගෙන තිබෙනවා. ඔහු බොදු බල සේනා සංවිධානයේ සාමාජිකයෙකු වන අතර මේ වන විට ඔහුගෙන් ප්‍රශ්ණ කරන බවයි ජයකොඩි මහතා පවසා සිටියේ.
ඒ අතරම දංතුරේ ප්‍රදේශයේ සිදුවූ සිදුවීම් තුනකට වෙන් වෙන් වශයෙන් සම්බන්ද පුද්ලයන් 3න් දෙනෙකුද මේ වන විට අත්අඩංගුවට ගෙන තිබෙනවා. ඉන් එක් පුද්ගලයෙකු සමාජ මාධ්‍ය හරහා බුදුන්වහන්සේට අපහාස කල පුද්ගලයෙකු වන අර අනෙක් පුද්ගලයන් දෙදෙනා අත්අඩංගුවට ගෙන ඇත්තේ දේපලවලට හානි කිරීමේ චෝදනාවන් සම්බන්දයෙනුයි.
