කොළඹ තුරඟ තරග පිටියේ පිහිටි ආහාර සැකසූම් සමාගමකට අයත් හෝටල් පරිශ්‍රයක අද අලුයම 5.30ට පමණ ගින්නක් හටගෙන ඇති බව පොලීසිය පවසයි.
මෙම ගින්නට හේතු වී ඇත්තේ අදාල පරිශ්‍රයේ සිදුවූ ගෑස් කාන්දුවක් බවට මේ වන විට සැක පහළ වී තිබේ. සිදුවීමෙන් තරුණයන් දෙදෙනෙකු තුවාල ලබා ඇති අතර ඔවුන් දෙදෙනා අදාළ ගොඩනැගිල්ල ඉදිරිපිට පිහිටි රථගාලේ රැඳී සිටි තරුණයින් දෙදෙනෙකු බව අනාවරණය වී තිබේ.ඔවුන් දෙදෙනා රෝහල වෙත ගොස් ප්‍රතිකාර ලබා ගැනීමෙන් පසු රෝහලෙන් පිටව ගොස් තිබේ.
කොළඹ දකුණ කොට්ඨාස භාර ජ්‍යෙෂ්ඨ පොලිස් අධිකාරීවරයා යටතේ කුරුඳුවත්ත පොලීසිය මගින් සිද්ධිය පිළිබඳ විමර්ශන සිදුකරයි.
