ඊයේ (25) මඩකලපුවේ චෙන්කලාඩි කළු පාලම අසලදී හමුදා ට්‍රක් රථයක් පාලමේ ගැටීමෙන් සෙබළුන් දෙදෙනෙකු මිය ගොස් තවත් හතර දෙනෙකු තුවාල ලබා ලැබීය. මෙම සිදුවීම ඊයේ සවස 4..00ටපමණ සිදුව තිබේ.
වාකරේ කඳවුරේ සිට ඉලුප්පඩිචෙනෙයි ප්‍රදේශයට ආපසු යන අතරමගදී මෙම සිදුවීම සිදුව ඇති බව වාර්තා වේ. වේගයෙන් පැමිණි ට්‍රක් රථය පාලමේ කොටසක් කඩාගෙන මඩට වැටී ඇති අතර මේ අනුව වාහනයට දැඩි අලාභහානි සිදුව තිබේ. මහජනතාවගේ සහයෝගය ඇතිව සොල්දාදුවන් විශාල පරිශ්‍රමයකින් බේරාගෙන තිබේ. තුවාල ලැබූවන් මඩකලපුවේ ශික්ෂණ රෝහලට ඇතුළත් කරන ලදී. එරාවූර් රථවාහන පොලිසිය මේ සම්බන්ධයෙන් පරීක්ෂණ පවත්වයි.
රුද්‍රා
