තවත් උපකරණ ගන්න ඕනෑ !
දෙවැනි රැල්ලකට සූදානම් වෙන්න ඕනෑ!
මැතිවරණයට කලින් ආර්ථිකය පණගන්වන්න ඕනෑ!
ශ්‍රි ලංකාවේ කොවිඞ්-19 හඳුනාගැනීම සඳහා සිදුකරන පරීක්ෂණ සංඛ්‍යාව තවත් වැඩිකළ යුතු බවත්, අඩුම තරමේ දිනකට පරීක්ෂණ 3000ක්වත් මීට පෙර සිටම සිදුකළ යුතුව තිබුණු බවත් හිටපු අගමැති රනිල් වික්‍රමසිංහ කියා තිබේ.අවශ්‍ය උපකරණ ප‍්‍රමාණවත් නොවේ නම් මිලදී ගත යුතු බව ඔහු වැඩිදුරටත් කියා ඇත.
‘ද හින්දු’ පුවත්පත සමඟ සිදුකළ සම්මුඛ සාකච්ඡාවකදී ඔහු ඒ බව කියා ඇත.
ඉදිරි මහමැතිවරණය පිළිබඳව හින්දු පුවත්පත විමසූ අවස්ථාවේදී ඔහු ඒ බව කියා තිබුණි. සම්මුඛ සාකච්ඡුාවේ එම කොටස මෙසේය.
‘ප්‍රශ්නය – ශ්‍රි ලංකාවේ මැතිවරණ කොමිෂන් සභාව මහ මැතිවරණය ජුනි 20 දිනට නියම කිරීම පිළිබඳව ඔබේ අදහස මොකක්ද? විපක්ෂයේ කණ්ඩායම් එයට විරෝධය පළ කර තිබෙනවා.
පිළිතුර – දැනට තියෙන සංඛ්‍යාලේඛන දිහා බලනකොට, මට හිතාගන්න අමාරුයි. මැතිවරණය පවත්වන දිනය සෞඛ්‍ය විශේෂඥයන් තීරණය කළ යුතු දෙයක්. අපි යෝජනා කළේ දිගටම පරීක්ෂණ කරන්න කියලා. අඩු තරමේ දිනකට පරීක්ෂණ 3000කින්වත් පටන්ගන්න කියලා. එතකොට ඔබ දන්නවා, ජීවිතය සාමාන්‍ය තත්වයට පත්වුණොත් මැතිවරණය පවත්වන්න පුළුවන්. එසේ වුණොත් පැවැත්විය යුතුයි. අපටත් මැතිවරණයක් ඕනෑ. එහෙත් පරීක්ෂණ ඉදිරියටත් කරගෙන යන්න ඕනෑ. මුලින්ම ආර්ථිකය පණ ගන්වන්න ඕනෑ. පුරවැසියන්ට කන්න නැත්නම් එයාලා දුවගෙන ඇවිල්ලා ඡුන්දය දාන්නෙ නෑ. ආර්ථිකය ක‍්‍රියාත්මක කරන්නම ඕනෑ. යතුර තමයි ‘ටෙස්ටින්.. ටෙස්ටින්.. ටෙස්ටින්..’ අපි කිව්වෙ 3000කින්වත් පටන්ගන්න කියලා. ඒ සංඛ්‍යාව පවා ප‍්‍රමාණවත් නැහැ. එහෙත් ඒ සඳහාවත් පසුබිම හදාගන්න, ඊට පස්සේ ඒ සංඛ්‍යාව දෙගුණ කරන්න පටන්ගන්න කියලා කීවා.
‘ප්‍රශ්නය – මේ වන විට දිනකට පරීක්ෂණ 1000ක් පමණ සිදුකරනවා නේද?
පිළිතුර – ඔව්, දැන් ඔවුන් 1000ට ළං වෙන්න බලනවා. එහෙත් ඔවුන් පරීක්ෂණ සංඛ්‍යාව වැඩි කළ යුතුයි.
‘ප්‍රශ්නය – පරීක්ෂණ සංඛ්‍යාව ප්‍රමාණවත්ද?
පිළිතුර – මිලදී ගත හැකියි. අවශ්‍ය තරම් වෙළඳපලේ තියෙනවා. ඇතැම්විට මඳක් වැඩිපුර ගෙවන්න සිදුවේවි. ඒ වගේම ටිකක් කාලය ගත වේවි. එහෙත් රෝගයේ දෙවැනි රැල්ලක් ඇතිවුණොත් මොනවා වෙයිද? තෙවැනි රැල්ලක් ආවොත්? ජපානය මේ වන විට දෙවැනි රැල්ලකට සූදානම් වෙනවා. දකුණු කොරියාවත් සූදානම් වෙනවා. ජර්මනිය, චීනය, එංගලන්තය ඒ ගැන කතාකරනවා.’
අනුරංග ජයසිංහ
anidda.lk
