රට තුළ ඉන්ධන අර්බුදයක් නිර්මාණය කළ පාලකයන්ට විරෝධය පළ කිරීම සදහා වන්නියේ ප්‍රාදේශිය දේශපාලකයන්
පිරිසක් සභා වාරය සදහා ගොං බැඳි කරත්ත වලින් පැමිණ තිබේ.
දෙමළ ජාතික සන්ධානය බලය හොබවන මුලතිව්, මුහුදුබඩපත්තුව ප්‍රාදේශිය සභාවේ 46 වැනි සැසිවාරයට සහභාගී වීම සඳහා සභාපති කමලනාදන් විජින්තන් ඇතුළු නියෝජිතයන් කිහිප දෙනකු මාර්තු 10 වැනි බ්‍රහස්පතින්දා ගොං බැඳි කරත්ත වල නැග පැමිණි බවයි පළාත් බද වාර්තාකරුවන් පවසන්නේ.
දිනෙන් දින බිඳ වැටෙන ආර්ථිකය හමුවේ ඉහල යන අත්‍යාවශ්‍ය භාණ්ඩ මිල පහත දමමින් ජනතාව මුහුණ පා සිටින ගැටලුවලට නිසි විසදුම් ලබා ලෙස බලකිරීමද අරමුණුකරගනිමින් ඔවුන් මෙලෙස සිය විරෝධතාවය දක්වා තිබේ.
මුල්ලියවලෙයි විනයානගර් කොවිල් අසලින් කරත්න තුනක නැගගත් ප්‍රාදේශිය දේශපාලනඥයන් මුහුදුබඩපත්තුව ප්‍රාදේශිය සභාව වෙත පැමිණෙන විට සභා වාරය ආරම්භ කිරීමට නියමිතව තිබු වේලාවද පසුවී තිබු බව පළාත් බද වාර්තාකරුවෝ වැඩි දුරටත් පවසති.
ආණ්ඩුවට විරෝධය පළ කිරීම සදහා දෙමළ ජාතික සන්ධානයේ ප්‍රදේශිය ජනතා නියෝජිතයන් ගොං බැඳි කරත්ත වල නැග සභා වාරය සදහා පැමිණි ආකාරය පහත වීඩියෝවෙන් නරඹන්න,
theleader.lk
