වලට වෙනස්කම් පෑම කෙරෙහිද බරපතල අවධානය යොමුකර තිබේ.
ශ්‍රී ලංකා මානව හිමිකම් කොමිසම විසින් පොලිස් ප්‍රධානියාට දැනුම් දී ඇති පරිදි සාවද්‍ය තොරතුරු සහ වෛරී ප්‍රකාශ පල කළ බවට චෝදනා නගා කෙරෙන අත් අඩංගුවට ගැනීම මෙන්ම රජයේ නිලධාරීන් විවේචනය කිරීමට එරෙහිව පොලිසිය කර ඇති නිල තරවටුව ප්‍රකාශනයේ නිදහස “හිරිවට්ටවයි”.
“හදිසි අවස්ථාවක වුවද, ප්‍රකාශනයේ නිදහස සහ එවැනි වෙනත් ප්‍රජාතන්ත්‍රවාදී අයිතිවාසිකම් වලට සීමා පැනවීමට ගන්නා කවර ක්‍රියා මාර්ගයක් වුවද නීතියේ රාමුවට යටත් විය යුතු බව පෙන්වා දීම අපේ කොමිසමේ වගකීමයි,” යනුවෙන් මානව හිමිකම් කොමිසමේ සභාපතිනිනිය පොලිස් ප්‍රධානී චන්දන වික්‍රමරත්න වෙත යවා ඇති ලිපියකින් කියා සිටී.
වැරදි තොරතුරු පල කළ බවට චෝදනා කර පුද්ගලයන් අත් අඩංගුවට ගැනීම සඳහා යොදා ගනු ලබන නීති ප්‍රතිපාදන ද මානව හිමිකම් කොමිසමේ ප්‍රශ්න කිරීමට ලක්වී ඇත. ඒ සඳහා පොලිසිය විසින් යොදාගෙන ඇත්තේ පරිදි දණ්ඩ නීති සංග්‍රහය, පරිගණක අපරාධ පනත, පොලිස් ආඥාපනත, නිරෝධායන ආඥාපනත සහ ආපදා කළමනාකරණ පනත බව අධිකරණයට ඉදිරිපත් කර ඇති ලියවිලි උපුටා දක්වන කොමිසම පවසයි.
නිරෝධායන ආඥාපනත සහ ආපදා කළමනාකරණ පනත පුද්ගලයන් අත් අඩංගුවට ගැනීම සඳහා පාවිච්චි කිරීම ගැටළු සහගත වන්නේ කෙසේද යන්න ගැන සභාපතිනිය කරුණු පැහැදිලි කර ඇත.
නිරෝධායන පනත:
“නිරෝධායන ආඥාපනතේ 4 වගන්තිය යොදා ගත හැකි වන්නේ එම ආඥාපනත යටතේ පනවන ලද රෙගුලාසියක් උල්ලංඝනය කළහොත් පමණෙකි.
“නිරෝධායන ආඥාපනතේ 4 වගන්තිය යොදා ගත හැකි වන්නේ එම ආඥාපනත යටතේ පනවන ලද රෙගුලාසියක් උල්ලංඝනය කළහොත් පමණෙකි.
අත් අඩංගුවට ගන්නා විවිධ පුද්ගලයන් විසින් කරන ලද බවට චෝදනා කෙරෙන ප්‍රකාශ මගින් ආඥාපනත යටතේ පනවන ලද රෙගුලාසි උල්ලංඝනය වන්නේ කෙසේද යන්න හෝ ආඥාපනත යටතේ බලය පැවරෙන නිලධාරීන්ගේ රාජකාරියට බාධා වෙන්නේ කෙසේද යන්න පැහැදිලි නැත.
එමෙන්ම, ආපදා කළමනාකරණ පනතේ 11 වැනි වගන්තියේ ප්‍රකාර පාර්ලිමේන්තුවේ සම්මතයෙන් රටේ ව්‍යසන තත්වයක් ප්‍රකාශයට පත් නොකර පනතේ 24 වගන්තිය යොදා ගත හැකිද යන්න ගැටළු සහගතය,” යි ආචාර්ය දීපිකා උඩගම වැඩ බලන පොලිස්පති වෙත යවන ලද ලිපියේ සඳහන් වෙයි.
අත් අඩංගුවට ගැනීමේ නෛතික පදනම එක බී වාර්තාවක නිශ්චිතව දක්වා නැති බව පවසන සභාපතිනිය, වැරදි තොරතුරු ප්‍රචාරය වීම වැලක්වීමට නම් නීතිය ක්‍රියාවේ යොදවන බලධාරීන් ගන්නා පියවර නිවැරදි නීතිමය පදනමක් තිබීමේ අවශ්‍යතාව අවධාරණය කරයි.
රජයේ නිලධාරීන් හෝ අන් කවරකු හෝ මෙන්ම ඕනෑම ප්‍රතිපත්තියක්ද සම්බන්ධයෙන් කරුණු දැක්වීමේත් විවේචනය කිරීමේත් අයිතිය ප්‍රජාතන්ත්‍රවාදී සමාජයක මූලික අඩිතාලමක් වන බව පොලිස් ප්‍රධානියාට සිහිපත් කර දෙන ආචාර්ය උඩගම, බලධාරීන් විවේචනය කරන්නන්ට එරෙහිව දැඩි නීතිමය ක්‍රියාමාර්ග ගන්නා බවට පොලිස් මුලස්ථානය විසින් මාධ්‍ය ආයතන වලට කරන ලද තරවටුව ජනතාවගේ ප්‍රකාශනයේ නිදහස හිරිවට්ටවන බව පවසයි.
වෙනස්කම් පෑම:
පුද්ගලයන් අත් අඩංගුවට ගැනීම සඳහා සිවිල් හා දේශපාලන අයිතිවාසිකම් පිළිබඳ ජාත්‍යන්තර සම්මුතිය (ICCPR) පනත යොදා ගැනීමද මානව හිමිකම් කොමිසමේ දෝෂ දර්ශනයට ලක් වී ඇත. එය වෙනස්කම් නොදක්වා භාවිතයට ගැනීමේ වැදගත් කම අවධාරණය කරන කොමිසම එසේ නොවන්නේ නම් එය පාර්ලිමේන්තුවේ සම්මත කරගන්නා ලද අරමුණට එරෙහිව විවිධ ජනකණ්ඩායම් වලට හතුරු ආයුධයක් ලෙස යොදා ගත කැකි වන බව දෙයි.
”මේතාක් කරන ලද අත් අඩංගුවට ගැනීම් නිරීක්ෂණය කරන විට ICCPR පනතේ අදාළ ප්‍රතිපාදන වෙනස්කම් නොදක්වා යොදා ගත් බවට සෑහීමකට පත් විය නොහැකි බව මානව හිමිකම් ප්‍රධානී ආචාර්ය දීපිකා උඩගම පොලිස් ප්‍රධානියාට වැඩිදුරටත් දන්වා සිටී.”
මේතාක් කරන ලද අත් අඩංගුවට ගැනීම් නිරීක්ෂණය කරන විට ICCPR පනතේ අදාළ ප්‍රතිපාදන වෙනස්කම් නොදක්වා යොදා ගත් බවට සෑහීමකට පත් විය නොහැකි බව මානව හිමිකම් ප්‍රධානී ආචාර්ය දීපිකා උඩගම පොලිස් ප්‍රධානියාට වැඩිදුරටත් දන්වා සිටී.
කොරෝනා ව්‍යසනය හමුවේ බලතල වැඩි කොට තිබෙන පොලිස් හා ආරක්ෂක අංශ විසින් ප්‍රකාශනයේ නිදහසට මෙන්ම සුළු ජාතික හා ආගමික අයිතීන්ට අවහිර වන ආකාරයෙන් කටයුතු කිරීම එක්සත් ජාතීන් ඇතුළු ජාත්‍යන්තර සංවිධාන වල මෙන්ම ශ්‍රී ලංකාවේ ජනමාධ්‍ය සංවිධාන හා වෘත්තීය සමිති ප්‍රමුඛ සිවිල් ප්‍රජාවගේ විවේචනයට ලක්වී තිබේ.
theleader.lk
