මේ දිවයිනේ පාසල් අතර ක්‍රිකට් තරග (බිග් මැච්) පැවැත්වෙන කාලයයි. කොළඹ ආනන්ද – නාලන්ද, රෝයල් – ශා.තෝමස්, ශා.පීතර – ශා.ජෝශප් වශයෙන් දිවයිනේ ප්‍රධාන පාසල් අතර මෙන්ම දිවයින පුරා ඇති පාසල් බොහෝමයකද මේ ආකාරයේ තරග පැවැත්වෙන්නේ අතීතයේ සිටම බව අප සැම දෙනාම හොදින් දන්නා කරුණකි. ඒ සියළුම බිග් මැච් පැවැත්වෙන්නේ පිරිමි පාසල් අතර හෝ මිශ්‍ර පාසල් වුවත් පාසලේ පිරිමි ළමුන්ගේ කණ්ඩායම් අතර පමණි.
නමුත් මේ වසරේ ඒ රුල්ල වෙනස් කරමින් බාලිකා ක්‍රිකට් තරගයෙක් පවත්වන්නට මියුසියස් හා විශාකා විද්‍යාලය සමත්විය. ඊයේ (06)අවසන් වු එම තරගය කාගේත් අවධානය දිනා ගැනීමට සමත් විය. එය පන්දුවාර 20 තරගයක් ලෙස පැවැත්වුණු අතර විශාකා විද්‍යාලය ලකුණු 224ක් රැස්ක අතර එයට පිළිතුරු වශයෙන් මියුසියස් විදුහලට ලබා ගැනීමට හැකිවූයේ ලකුණු 86ක් පමණි. එම නිසා ඉතාමත් දැවැත්ත හා කැපීපෙනන ජයක් ලබමින් ශූරතාවය හිමිකරගැනීමට මෙවර විශාකා විද්‍යාලය සමත් විය.
මේ එම තරගයේදී ගත් ඡායාරූප කිහිපයකි.
ඡායාරූප උපුටාගැනීම – http://www.ceylonjournals.com
