අගෝස්තු 05 වනදා පැවැත්වමට නියමිත මෙවර මහ මැතිවරණයේ ඡන්ද ගණන් කිරීමේ කටයුතු අගෝස්තු මස 6 වනදා උදෑසන 08.00ට ආරම්භ කෙරෙන බව මැතිවරණ කොමිෂන් සභාවේ සභාපති මහින්ද දේශප්‍රිය මහතා පවසයි.
ඒ අනුව පළමු ඡන්ද ප්‍රතිඵලය එදින පස්වරු 04.00ට පමණ ප්‍රකාශයට පත් කිරීමට හැකිවනු ඇති බව ඔහු සඳහන් කරයි.
සභාපතිවරයා මේ බව සදහන් කර සිටියේ මාධ්‍ය ආයතන ප්‍රධානීන් සහ ප්‍රවෘත්ති අංශ ප්‍රධානීන් අතර අද පැවැති සාකච්ඡාවක එක්වෙමිනි.
එමෙන්ම මේ වන විට පවතින කොරෝනා වසංගත තත්වය හේතුවෙන් ඡන්දය භාවිතා කිරීමේ කාල සීමාව පැයකින් දීර්ඝ කිරීමට මේ වන විට යෝජනා වී ඇති අතර ඒ සම්බන්දයෙන් වන තීරණයක්ද අද ගැනීමට නියමිතව ඇති බව වාර්තා වේ.
