පාස්කු ප්‍රහාරයෙන් පසුව අඩපණ වූ සංචාරක කර්මාන්තය යථා තත්වයට පත් කිරීමේ අරමුණෙන් රටවල් 48 කට ලබා දී තිබූ නිදහස් වීසා කාලය තවත් මාස 03 ක් දක්වා දීර්ඝ කිරීමට රජය තීන්දු කර ඇතැයි කාර්මික අපනයන, ආයෝජන ප්‍රවර්ධන සංචාරක ගුවන් සේවා ඇමැති ප්‍රසන්න රණතුංග මහතා පවසයි. ඒ අනුව මෙම නිදහස් වීසා කාලය ඉකුත් පෙබරවාරි 01 වැනිදා සිට අප්‍රේල් 30 වන දින දක්වා බලපැවැත්වෙන පරිදි දීර්ඝ කළ බවද අමාත්‍යවරයා වැඩිදුරටත් පවසයි.
මෙලෙස නිදහස් වීසා දීර්ඝ කිරීම බලපැවැත්වෙන්නේ චීනය ඇතුළු ඇමෙරිකාව, ඕස්ට්‍රේලියාව, ඉන්දියාව, ඉතාලිය, ජපානය, රුසියාව, ජර්මනිය, ප්‍රංශය, ස්විස්ටර්ලන්තය ඇතුළත් රටවල් 48 කටය.
