ඝාතනයට ලක්වූ සිවරාම් සහ රජීවර්මන් යන මාධ්‍යවේදීන්ගේ අනුස්මරණ දිනය සෙනසුරාදා යාපනයේ මාධ්‍ය මධ්‍යස්ථානයේදී පැවැත්විණි.
යාපනය මාධ්‍ය මධ්‍යස්ථානයේ පැවති මෙම අවස්ථාවට යාපනයේ මාධ්‍යවේදීන් රැසක් සහභාගී වී මාධ්‍ය ක්ෂේත්‍රය වෙනුවෙන් දිවිපිදූ මාධ්‍යවේදීන්ට උපහාර පුද කළහ.
2005 අප්‍රේල් 28 වැනි දින කොළඹ බම්බලපිටිය පොලිස් ස්ථානය අසලදී නාඳුනන ප්‍රහාරකයින් විසින් පැහැරගෙන ගිය මාධ්‍යවේදියෙකු වන (තරාකී) නොහොත් ධර්මරතනම් සිවරාම් පාර්ලිමේන්තුව අසලදී මියගොස් සිටියදී සොයා ගන්නා ලදී.
මාධ්‍යවේදී සෙල්වරාජා රජීවර්මන් මහතා උදයන් පුවත්පතේ කාර්යාල වාර්තාකරුවෙකු ලෙස සේවය කරමින් සිටියදී 2007 අප්‍රේල් 29 වැනි දින පෙරවරු 10 ට ස්රාන්ලි පාරේදී යතුරුපැදියකින් පැමිණි නාඳුනන පුද්ගලයන් විසින් වෙඩි තබා ඝාතනය කරන ලදී.
