විදෙස් රටකින් ප්‍රතික්‌ෂේප කර ගිනිතබා විනාශ කිරීමට නිර්දේශකර තිබූ කසළ තේ තොගයක් රේගුවෙන් මුදාගෙන එප්පාවල ප‍්‍රදේශයේදී කාබනික පොහොර සඳහා කසළ තේ ඉවත් කර එහි ඇසුරුම් ගිනි තැබීමට උත්සාහ කළ අවස්ථාවේ ප‍්‍රදේශවාසීන් අතර උණුසුම් තත්ත්වයක් උද්ගත වී තිබුණ බව දිවයින වාර්තා කර තිබේ.
රේගුවේ තිබූ ගිනිතබා විනාශ කිරීමට නියමිත කසළ තේ කන්ටේනර් 40කින් 02 ක් ඉඩම් අමාත්‍යාංශයේ නිලධාරීන් මැදිහත් වී මුදාගෙන එප්පාවල ඇඳගල ප‍්‍රදේශයේ රජයේ වී ගබඩාව වෙත රැගෙන විත් තිබුණි. අනතුරුව එම කසළ තේ පෙට්ටි හා පොලිතින් කවර ගලවා කසළ තේ ඉවත් කර එම පරිශ‍්‍රයේ පෙට්ටි සහ පෙලිතින් ගිනි තැබීමත් සමග අසල නිවෙස්වල දුම්රොටු යෑම නිසාත් ප‍්‍රදේශවාසීන් නොසන්සුන් වී එම ස්ථානයට පැමිණ විරෝධතා දැක්වු බවද වැඩිදුරටත් එම පුවතේ සදහන්ය.
මුලාශ්‍රය සහ ජායා -දිවයින
