ජුනි පළමු වැනි සඳුදා දිනෙන් ආරම්භ වන සතියේ දුම්රියෙන් ගමන් කිරීමට බලාපොරොත්තුවන කාර්යාල සේවකයින් අද (27 වැනිදා) දින සවස හයට පෙර දුම්රිය දෙපාර්තමේන්තුවේ ලියාපදිංචි විය යුතුබව දුම්රිය නියෝජ්‍ය සාමාන්‍යාධිකාරී වී. එස් පොල්වත්ත පවසයි.
පසුගිය සතියේ දුම්රියේ ගමන් කිරීම සදහා රාජ්‍ය සහ පෞද්ගලික සේවකයින් 16,334 ක් දුම්රිය දෙපාර්තමේන්තුවේ ලියාපදිංචි වී සිටියද එයින් පැමිණ ඇත්තේ මගීන් 7,000 ක් පමණක් බවත් ලියාපදිංචි නොවූ කාර්යාල සේවකයින්ද ඇතුළුව පැමිණි සම්පූර්ණ මගීන් ගණන 15,722 ක් පසුගිය සතියේ දුම්රියේ ගමන් ගත්බවත් ඒ මහතා සදහන් කරයි.
එක් එක් සතිවල ධාවනය වන දුම්රිය සංඛ්‍යාව අනුව වෙනස් වූළුත් දල වශයෙන් කාර්යාල සේවකයන් සඳහා සෞඛ්‍ය රෙගුලාසිවලට අනුකූල වන පරිදි උපරිම ආසන 25,000ක්ද වෙන් කිරීමේ හැකියාව පවතින බවද දුම්රිය නියෝජ්‍ය සාමාන්‍යාධිකාරීවරයා පවසයි.
