යාපනය දිස්ත්‍රික් පළාත් පාලන ආයතන සඳහා ශ්‍රී ලංකා දෙමළ අරසු පක්ෂයේ අපේක්ෂකයින් හඳුන්වාදීමේ රැස්වීම පසුගියදා පැවැත්විණි. මෙම උත්සවය නල්ලූර් ඉලම්කලයිනර් මන්දර් හිදී ශ්‍රී ලංකා දෙමළ අරසු පක්ෂ නායක සීවීකේ සිවඥානම් මහතාගේ ප්‍රධානත්වයෙන් පැවැත්විණි.
මෙම අවස්ථාවට ශ්‍රී ලංකා දෙමළ අරසු පක්ෂයේ මහලේකම් එම්ඒ සුමන්තිරන් සහ ශ්‍රී ලංකා දෙමළ අරසු පක්ෂයේ මඩකලපුව දිස්ත්‍රික් පාර්ලිමේන්තු මන්ත්‍රී රාජමානික්කම් චානක්යන් ඇතුළු පක්ෂ සම්භාවනීය අමුත්තන් සහභාගී විය.
යාපනය දිස්ත්‍රික්කයෙන් පළාත් පාලන ආයතන 17 සඳහා තරඟ කරන අපේක්ෂකයින් රැස්වීමට සහභාගී වූ අතර එක් එක් පළාත් පාලන ආයතනය සඳහා තරඟ කරන අපේක්ෂකයින් හඳුන්වා දෙන ලදී.
