මන්නාරම, පල්ලිමුනෙයි ගම්මානයේ වෙරළ තීරයේ ජනතාවගේ ඉඩම් අත්පත් කර ගැනීමට රජය විසින් යෝජිත ව්යාපෘතිය ජනාධිපති අනුර කුමාර දිසානායකගේ අවධානයට යොමු කිරීම සහ එයට විරෝධය දැක්වීම සඳහා පාර්ලිමේන්තු මන්ත්රී සෙල්වම් අඩික්කලනාදන් අද (19) විශේෂ කතාවක් පැවැත්වීය.
ඒම අදහස්හු දැක්වීමේදී ඔහු තවදුරටත් මෙසේ පැවසීය
‘පල්ලිමුනෙයි’ යනු වන්නි දිස්ත්රික්කයේ දිස්ත්රික්ක තුනෙන් එකක් වන මන්නාරම දිස්ත්රික්කය යටතේ ඇති ගම්මානයකි. මෙහි ජීවත් වන ජනතාව තම ජීවනෝපාය සඳහා මුහුද මත යැපෙන අතර වෙරළාසන්නව ජීවත් වෙති.
මෙය කතෝලික කිතුනුවන් බහුතරයක් ජීවත් වන ගම්මානයකි. 1984 සිට 1990 දක්වා මුහුදට මුහුණලා අක්කර 10 ක ඉඩමක රජය විසින් ඉදිකරන ලද නිවාසවල පවුල් 24 ක් ජීවත් වී ඇත.
මෙය පුද්ගලයෙකුට අයත් ඉඩමකි. කෙසේ වෙතත්, 1984 දී නිවාස හා නාගරික සංවර්ධන දෙපාර්තමේන්තුව මෙම ඉඩම් කැබලිවල නිවාස ඉදිකිරීම සඳහා ජනාවාස ව්යාපෘතියක් ආරම්භ කර, පසුව එහි පදිංචිකරුවන්ට විකුණා ඒ සඳහා මුදල් ලබා ගත් බව මෙහිදී සඳහන් කිරීම වටී.
මෙය පුද්ගලයෙකුට අයත් අක්කර 2 ක සහ පර්චස් 02 ක ඉඩමක් වන අතර ඊට අනුරූප ඔප්පු ඔවුන් අතේ ඇත.
මෑත කාලීන යුද්ධය හේතුවෙන්, මෙම ජනතාවට තමන් ජීවත් වූ පාරම්පරික ඉඩම් සහ නිවාස අතහැර දමා වෙනත් ස්ථානයකට යාමට බල කිරීම නොවැළැක්විය හැකිය.
1990 දී ජනගහනය අවතැන් වූ පසු, එය හමුදා, පොලිස් සහ දැන් නාවික කඳවුරක් බවට පත්විය.
ඔවුන් සිවිල් වැසියන්ට අයත් මෙම නිවාසවල වාසය කරන අතර ඒවා ඔවුන්ගේම දේපළක් බවට පත් කිරීම සඳහා රජය සමඟ අඛණ්ඩව කටයුතු කරයි. මෙම තත්වය තුළ, ඉඩමේ හිමිකරුවන් ඒවා නැවත ලබා ගැනීම සඳහා අධිකරණයේ නඩුවක් ගොනු කර තිබුණි. නමුත් ඉඩම් අත්පත් කර ගැනීමේ පනත යටතේ මෙම ඉඩම් රාජ්ය දේපළ බවට පරිවර්තනය කිරීමට රජය උත්සාහ කරන බව ඔහු තවදුරටත් පැවසීය.
ඒස්.ආර්.ලැම්බට්
