ගංවතුරෙන් හා නායයෑම් වලින් පීඩාවට පත් ප්‍රදේශවල ජීවත් වන ජනතාවට ඉදිරි මාස 6ක කාලය තුල විදුලි බලය නොමිලේ ලබා දෙන ලෙස ලංකා විදුලි බල මණ්ඩලයට දැනුම් දී ඇතැයි විදුලිබල හා පුනර්ජනනීය බලශක්ති අමාත්‍ය රන්ජිත් සියඹලාපිටිය මහතා පවසනවා. එලෙසම මේ ආපදාවන් නිසා තම නිවාස අහිමිව තාවකාලික ස්ථාන වල ජීවත් වන පිරිස් වෙතත් විදුලි බලය නොමිලයේ ලබා දීමට රජය තීරණය කොට තිබෙනවා.
පසුගිය බ්‍රහස්පතින්දා වන විට විදුලි පාරිභෝගිකයන් 177,775 පමණ විදුලි බලය නොමැතිව සිටින බව ලංකා විදුලි බල මණ්ඩලයට කල සමීක්ෂනයකදී හෙලිවී තිබෙනවා. ඇතැම් ප්‍රදේශවලට විදුලි බලය ලබාදීමෙන් සිදුවිය හැකි හානි වැලැක්වීම සදහා විදුලි බලය මේ වන තෙක් ලබාදීමක් සිදුකර නැති බවත්, විදුලි උපකරණ වලට හානි වීම හා විදුලි කාන්දුවීම් ඇති වීමේ අවදානම හේතුවෙන් ඇතැම් ප්‍රදේශවලින් විදුලිය ලබා නොදෙන ලෙස ඉල්ලීම් ඇති බවත් අමාත්‍යවරයා මාධ්‍ය අමතමින් ප්‍රකාශ කර සිටියා. කෙසේ හෝ ඉහත සදහන් කල හේතූන් මත විදුලි පාරිභෝජකයන්ගෙන් 28.4% පමණ ප්‍රතිශතයක් මේ වන විට විදුලිය නොමැතිව ජීවත් වන බවත් අමාත්‍යංශය පෙනවා දෙනවා.
