කිසිදු හේතුවක් මත ජනාධිපතිවරණය කල් නොයන බව මැතිවරණ කොමිසමේ සභාපති මහින්ද දේශප්‍රිය මහතා අවධාරණය කරයි. ඔහු මේ බව සදහන් කර සිටියේ ඊයේ (22) රාජගිරිය, මැතිවරණ කොමිසන් සභා ශ්‍රවණාගාරයේදී පැවැති ප්‍රවෘත්ති සාකච්ඡාවකදීය. ඒ අනුව මෙවර ජනාධිපතිවරණය නොවැම්බර් මස 15 ත් දෙසැම්බර් මස 7 වැනි දිනත් අතර කාලයේ දී පැවැත්වීමට නියමිතය.
මේ වනතෙක් කිසිදු පක්ෂයකින් හෝ සන්ධානයකින් සිය ජනාධිපති අපේක්ෂකයා ඉදිරිපත් කර නොමැත. පොදුජන එක්සත් පෙරමුණ සිය ජනාධිපති අපේක්ෂකයා අගෝස්තු මස 11වනදා ප්‍රකාශයට පත් කිරීමට නියමිතව ඇත.
