නැගෙනහිර මුර සංචාර සහ සෝදිසි මෙහෙයුම් වැඩිවේ

අම්පාර දිස්ත්‍රික්කයේ විවිධ ප්‍රදේශවල හමුදා සහ පොලිසිය ඒකාබද්ධ මුර සංචාර සහ සෝදිසි මෙහෙයුම් සිදු කරනු ලබයි.

ජනාධිපති ගෝඨාභය රාජපක්ෂ මහතා පසුගිය 22 වනදා විශේෂ මාධ්‍ය නිවේදනයක් නිකුත් කරමින් ශ්‍රී ලංකාවේ සියලුම පරිපාලන දිස්ත්‍රික්කවල සහ ඒ ආශ්‍රිත මුහුදු ප්‍රදේශවල ආරක්‍ෂාව පවත්වාගෙන යන ලෙස දිවයිනේ සියලුම ත්‍රිවිධ හමුදාවෙන් ඉල්ලා සිටියේය.

ඒ අනුව වත්මන් අම්පාර දිස්ත්‍රික්කයේ කල්මුණේ, සම්මන්තුරේ, සවලක්කඩ, මධ්‍යම කඳවුරු පොලිස් ස්ථාන, පෙරියනීලවානෙයි විශේෂ කාර්ය බළකාය සහ කල්මුණේ යුද හමුදා කඳවුර යන ප්‍රදේශවල ක්‍රියාත්මක ආරක්ෂක අංශ විසින් මෙහෙයුම සිදු කර ඇත.

දින කිහිපයකට පෙර රට තුළ ඉහළ යන කොරෝනා රැල්ල මැඩපැවැත්වීම සඳහා මෙම පියවර ගෙන ඇති අතර, මෙහෙයුමේ කොටසක් ලෙස භට පිරිස් ඇතුළු පොලිසිය වැටලීම් සිදු කළේය.

ආරක්ෂක අංශ විසින් සිදුකරන මෙම වැටලීම් වලදී රියදුරු බලපත්‍රයක් නොමැතිව රිය පැදවීම, හිස්වැසුම් නොපැළඳීම, යතුරුපැදියක දෙදෙනකුට වඩා වැඩි පිරිසක් සමඟ ගමන් කිරීම, අධික වේගයෙන් රිය පැදවීම, බීමතින් රිය පැදවීමට ආදියට දඩ නියම කිරීම සහ මාර්ග නියාමනය සම්බන්ධයෙන් උපදෙස් දීම සිදුකරනු ලබයි.

ෆාරුක් සිහාන්