විශ්වවිද්‍යාල උපකුලපතිවරුන් සහ අදාළ බලධාරීන් සමග කළ සාකච්ඡාවලදී පැමිණි එකගතාවලට අනුව විශ්වවිද්‍යාල සදහා ඇතුලත් කර ගන්නා සිසුන් සංඛ්‍යාව වැඩි කිරීමට තීරණය කර ඇති බවත් එම සංඛ්‍යාව ඉදිරියේදී ප්‍රකාශ කරන බවත් විශ්වවිද්‍යාල ප්‍රතිපාදන කොමිෂන් සභාවේ සභාපති මහාචාර්ය සම්පත් අමරතුංග මහතා පවසයි.
ඒ අනුව වෛද්‍ය, ඉංජිනේරු, කළමනාකරණ ඇතුළු සියලු පීඨ සඳහා වැඩි සිසුන් සංඛ්‍යාවක් බඳවා ගන්නා බව, විශ්වවිද්‍යාල ප්‍රතිපාදන කොමිසමේ සභාපතිවරයා වැඩිදුරටත් සඳහන් කළේ ය.
