වාකරෙයි ප්‍රදේශයේ ඉදිකෙරෙන ඉස්සන් ගොවිපළ සහ ඉල්මනයිට් කර්මාන්ත ශාලාවට විරෝධය පළ කරමින් කදිරවේලි ප්‍රදේශයේ දැවැන්ත විරෝධතාවක් පැවැත්වුණේ එම ගැටලූව ජනාධිපතිතුමාගේ අවධානයට යොමු කිරීමේ අරමුණින්.
ප්‍රදේශයේ ජනතාව විසින් සංවිධානය කරන ලද එම විරෝධතාවය කටුමුරිව් හන්දියෙන් ආරම්භ වී කතිරවේලි තැපැල් කාර්යාලය කන්දෝරයි වෙත ළඟා විය.
ඔවුන් විවිධ සටන් පාඨ ඔසවමින් පෙළපාළියේ ගමන් කළේ විරෝධතා සටන් පාඨ සහිත පුවරු රැගෙන ය.
ආණ්ඩුකාරතුමනි, ධීවරයන්ගේ ජීවනෝපාය විනාශ නොකරන්න, මිරිදිය විනාශ නොකරන්න, අපව කඳුළු වල ගිල්වන්න එපා. වාකරේ විනාශයට , බීජ වපුරන ඉස්සන් ගොවිපළ ව්‍යාපෘතියක් අපට අවශ්‍ය නැහැ. සංවර්ධනයට මුවා වී අපේ සම්පත් විනාශ කරන්න එපා. “ඇයි” වැනි සටන් පාඨ සහිත පුවරු රැගෙන ඔවුහු සටන් පාඨ මතු කළහ. විරෝධතාව අවසානයේදී ඉහත සඳහන් සැලසුම් නතර කරන ලෙස ජනාධිපතිවරයාගේ අවධානයට ලිපි 1000ක් යැවීමේ සැලසුමෙන් මූලික කටයුතු ආරම්භ කෙරිණි.
මේ අතර උද්ඝෝෂණයට සහභාගි වූවන්ගේ අත්සන් ඇතුළත් ලිපියක් කදිරවේලි තැපැල් කාර්යාලය හරහා යවන ලදී.
මෙම අවස්ථාවට පොතුවිල් සිට පොලිකන්ඩි දක්වා ජනතා විප්ලව ව්‍යාපාරයේ සම්බන්ධීකාරක දවතිරු වේලන් ස්වාමි, පරිසර යුක්ති කේන්ද්‍ර අධ්‍යක්ෂ කේමානන්ද විතානගේ, මඩකලපුව සිවිල් සංවිධානයේ නියෝජිත සිවලෝකනාදන් ඇතුළු සමාජ සේවා සංවිධාන නියෝජිතයෝ සහභාගි වූහ.
කේ.රුද්‍රන්
