මන්නාරම – තලිමන්නාරම පොලිස් වසමට අයත් තලිමන්නාරම ගම්මානයේදී භාණ්ඩ පටවාගත් වාහනයකින් තරුනියන් දෙදෙනෙකුව පැහැරගැනීමට තැත්කළ ඇති අතර එම රථය මහජනතාවගේ සහය ඇතිව අත්අඩංගුවට ගෙන තිබේ. ඊයේ (11) දහවල් එම වාහනයේ ව්‍යාපාරික භාණ්ඩ අලෙවි කිරීමට පැමිණි එක් වාහනයක රියදුරු මෙම මාර්ගයේ ගමන් ගත් තරුණියන් දෙදෙනකුට රසකැවිලි ලබාදී ඔවුන් වාහනයේ නංවාගෙන යාමට තැත් කර තිබේ.
දැරියක් පැවසුවේ එම තරුණියන් පලා යද්දී පිටුපසින් වාහනයකින් පැමිණි පිරිසක් තමන් පසුපස හඹා ගිය බවත් වාහනය තුළ විදේශීය පුද්ගලයකු සිටි බවත්ය.
මේ තත්ත්වය තුළ වාහනය පරීක්‍ෂා කළ අතර විදේශිකයකු එහි නොසිටි අතර වාහනයේ සිටි සැකකරුවන් දෙදෙනා මහජනතාව විසින් තලෙයිමන්නාරම පොලිසියට භාරදී ඇති අතර තලෙයිමන්නාරම පොලිසිය වැඩිදුර පරීක්‍ෂණ පවත්වයි.
එස්.ආර්.ලැම්බර්ට්
