උතුරු පළාත් සභා හිටපු මන්ත්‍රී දුරෙයිරාසා රවිකරන් සහ සමාජ ක්‍රියාකාරිකයෙකු වන රතිනරාසා මයුරන් යන දෙදෙනාව මුලතිව් පොලිසිය විසින් පසුගිය 21 වනදා අත්අඩංගුවට ගන්නා ලදී.
මුලතිව් – තන්නිමුරුප්පු සහ කුරුඳුර්මලේ අවට දෙමළ ජනතාවට අයත් ඉඩම් අක්කර 632ක් පවරා ගැනීමට පුරාවිද්‍යා දෙපාර්තමේන්තුව දරන උත්සාහයට විරෝධය පළ කරමින් 2022.09.21 වන දින කුරුඳුර්මලේ නගරයේ දී තන්නිමුරුප්පු සහ කුරුඳුර්මලේ ජනතාව දැවැන්ත උද්ඝෝෂණයක් පවත්වා ඇත.
මෙම විරෝධතාවයෙන් පසු මුලතිව් පොලීසිය විසින් මන්ත්‍රී දුරෙයිරාසා රවිකරන් සහ සමාජ ක්‍රියාකාරිකයෙකු වන රතිනරාසා මයුරන් යන දෙදෙනාව අත්අඩංගුවට ගන්නා ලද්දේ පුරාවිද්‍යා දෙපාර්තමේන්තුවේ නිලධාරින්ගේ රාජකාරියට බාධා කළ බවටත් තර්ජනය කළ බවටත් යන චෝදනා පදනම් කරගනිමිනි.
මුලතිව් දිස්ත්‍රික්කයේ මහජන දේශපාලන නියෝජිතයන් සහ කුරුඳුර් කඳුකරයේ තවත් බොහෝ පිරිසක් ඊයේ (21) දැවැන්ත උද්ඝෝෂණයක් සංවිධානය කළහ.
