අලුත්කඩේ උසාවි සංකීර්ණය තුළ දී වැලිකඩ සිරකරු ඝාතන නඩුවේ විත්තිකරුවකු වන පොලිස් මත්ද්‍රව්‍යනාශක කාර්යාංශයේ හිටපු පොලිස් පරීක්ෂක නියෝමාල් රංගජීව මහතා විසින් මාධ්‍යවේදියෙකුගේ රාජකාරියට බාධා කිරීම සම්බන්ධයෙන් අපක්ෂපාතී කඩිනම් පරීක්ෂණයක් සිදුකරන මෙන් රජයේ ප්‍රවෘත්ති අධ්‍යක්ෂ ජනරාල් නාලක කලුවැව මහතා වැඩබලන පොලිස්පතිවරයාගෙන් ඉල්ලීමක් කර තිබේ.
එම සිදුවීමට මුහුණදුන් මව්බිම පුවත්පතේ ඡායාරූප මාධ්‍යවේ දී අකිල ජයවර්ධන මහතා විසින් සිදුවීම සම්බන්ධයෙන් කොළඹ මහාධිකරණයේ පොලිස් මුරපොළ වෙතද පැමිණිල්ලක් සිදුකර ඇත.
