දේශපාලන නායකයින් දෙමළ,මුස්ලිම් ජනතාවගේ ප්‍රශ්න කියා දිගින් දිගටම කතා කළත් ඒවා විසඳන්නට නොහැකි වි ඇත්තේ එම ප්‍රශ්න ඡන්දය ගැනීමට පමණක් දේශපාලන නායකයින් පාවිච්චි කරන නිසා බව හිටපු ආරක්ෂක ලේකම් ගෝඨාභය රාජපක්ෂ මහතා පවසයි.
ගෝඨාභය රාජපක්ෂ මහතා මෙසේ පැවැසුයේ ඊයේ (02) දවුලගල එළමල්දෙණියේදි මුස්ලිම් ජනතාවගේ සහභාගීත්වයෙන් පැවැති “ එළිය “ විශේෂ වැඩසටහනට සහභාගි වෙමිනි.
එහිදි වැඩිදුරටත් අදහස් දැක්වු ගෝඨාභය රාජපක්ෂ මහතා,
මේ ප්‍රශ්න අපි දෙමළ,මුස්ලිම්,සිංහල වුවත් කාටත් පොදුයි . අපේ නායකයින් මේ ප්‍රශ්නය දෙමළ ජනතාවට පෙන්නල දෙන්නේ සිංහල ජනතාව නිසා මෙම ප්‍රශ්න ඇතිවන බවය. සිංහල අයට පෙන්වා දෙන්නේ මෙම ප්‍රශ්න දෙමළ හා මුස්ලිම් ජනතාව නිසා ඇති වන බව. නමුත් මෙම ප්‍රශ්නය ඇත්ත වශයෙන්ම හැම රට වැසියාටම පොදු බවත් අප කළ යුත්තේ පොදුවේ මෙම ප්‍රශ්න වලට විසදුම් සෙවිම බවද ගෝඨාභය රාජපක්ෂ මහතා සඳහන් කළේය.
මේ රටේ බියක් නැතිව පාතාලයට කප්පම් ගෙවන්නෙ නැතුව මේ රටේ කුඩු වලට දරුවන් යටත් වන්නට ඉඩ නොදි නීතිය හා සාමය හොඳින් තියෙන රටක් අපි මේ රට තුළ බිහි කරනව. අපි රටේ ඕනැම තැනකට ගියොත් කියන කාරණයක් තමා මේ රටේ විනයක් නැ කියන එක. අපි එදා ත්‍රස්තවාදය නැති කරල රටේ විනයක් ගේනකොට මේ රටේ සාමය ඇති කරන කොට මේ රටේ පාතාලය නැති කරල සාමය ඇති කරන කොට අපිට විවිධ දෝෂාරෝපණයන් කළා.
ඇත්ත වශයෙන් හාමුදුරුවනේ මට එකම සුදු වෑන් එකක්වත් නැ. නමුත් මේ රටට සුදු වැන් වලින් උස්සන සංකල්පය මේ රටට හදුන්වාදිපු මේ රටේ 87,88,89 කාලයේ තිබු තත්ත්වය තරුණයන් දන්නෙ නැ.
නමුත් මැදිවියේ අය දන්නව අපේ කාලයේ ත්‍රස්තවාදය නැති කරන්නට බුද්ධි අංශ ලෝකයේම පාවිච්චි කරන යම් යම් ක්‍රම යොදාගන්නට ඇති. නමුත් ඒ අය කිසිම දේශපාලන පළිගැනීමක් කළේ නැ. කිසිම අහිංසක මිනිහෙක්ගෙන්වත් පළිගත්තෙ නෑ.
නිර්දෝෂි මිනිස්සුන්ගෙන් පළිගත්තෙ නැ. ත්‍රස්තවාදය ඇති කළේ කොළඹ නගරය තුළ මාරගෙන මැරෙන කොටි ත්‍රස්තවාදින්. කොළඹ නගරය පුරා ඒ කාලෙ හිටිය බුද්ධි අංශ නිලධාරින් ආඩම්බරයි කියන්න බුද්ධි අංශ නීලධාරින් වැඩි හරියක් හිටියේ මුස්ලිම් අය. ඒ අය විශාල රාජකාරියක් කළා.
පෙර තිබු රජයක වැරදි නිසා ඒ බුද්ධි අංශ නිලධාරීන් වැඩි පිරිසක් කොළඹ නගරයේදීම ඝාතනය උණා. ඒ බුද්ධි අංශ නිලධාරින් කළ සේවය නිසා තමයි ත්‍රස්තවාදය නැති කරන්නට හැකි වුණේ යැයි ඒ මහතා වැඩිදුරටත් පැවසීය.
(www.ada.lk)
