මුලතිව් දිස්ත්‍රික්කයේ පුදුකුඩිඉරිප්පු ප්‍රාදේශීය ලේකම් කොට්ඨාශයට අයත් සූතන්ත්‍රපුරම් ප්‍රදේශයේ දෙමළ ඊළාම් විමුක්ති කොටි සංවිධානය විසින් වළදමා තිබූ රත්‍රන් ගොඩගැනීමට ප්‍රධාන අමාත්‍යාංශ දෙකක ලේකම්වරුන් උත්සාහ කළ බවට මාධ්‍ය විසින් පසුගියදා චෝදනා එල්ල කරන ලදී. ඒ අනුව එම ප්‍රදේශයේ කැණීම් අද (02) ආරම්භ කර තිබේ. අද සවස අද (02) සවස මුලතිව් අධිකරණ විනිසුරු ආර්.සරවනරාජා මහතා ඉදිරියේ පොලිසිය විසින් කැණීම් කටයුතු ආරම්භ කරන ලදී.
මුලතිව් – පුදුකුඩිඉරිප්පු ප්‍රදේශයේ වළදමා ඇතැයි කියන මෙම රත්තරන් අධිකරණ නියෝගයක් නිකුත් කිරීමට පෙර අමාත්‍යාංශ ලේකම්වරුන් දෙදෙනෙකු රහසිගතව ගොඩගැනීමට උත්සාහ කර ඇති බවට හෙළිදරව්වක් මාධ්‍ය විසින් සිදුකළ පසුව
සිද්ධිය සම්බන්ධයෙන් අපරාධ විමර්ශන ඒකකය පරීක්ෂණ ආරම්භ කර ඇත.
මුලතිව් අධිකරණය විසින් නියෝග කර අද දින කැණීම් කටයුතු ආරම්භ කරනු ලැබුයේ , මහජන ආරක්‍ෂක අමාත්‍ය සරත් වීරසේකරගේ සහ ධීවර අමාත්‍ය ඩග්ලස් දේවානන්දගේ ලේකම්වරුන් දෙදෙනකු මෙම රත්‍රන් තොගය කල්තියා ගොඩ ගැනීමට උත්සාහ කර ඇති බවට සිදුවූ ආන්දෝලානාත්මක හෙළදරව්වෙන් පසුවය.
පොලිසිය, විශේෂ බළකාය, හමුදාව සහ විමර්ශකයින් එම ස්ථානයේ රැඳී සිටිමින් දැඩි ආරක්ෂාව මධ්‍යයේ කැණීම ආරම්භ විය.
පසුගිය නොවැම්බර් 21 වනදා සිට 27 වනදා දක්වා කාලය යුද්ධයෙන් මියගිය පුද්ගලයන් සැමරීමට උතුරේ වැසියන් විසින් සූදානම් වූ අතර මුලතිව් දිස්ත්‍රික්කයේ පොලීසි 7 ක් විසින් පුද්ගලයන් 71 දෙනෙකුට එරෙහිව අධිකරණ නියෝග ලබාගත්තේ එය වැලැක්වීම සදහායි. අවසානයේ එම අධිකරණ නියෝගය අභියෝගයට ලක්කරමින් නැවතත් යුද්ධයෙන් මියගිය සිය ඥාතීන් සිහිකිරීමට නීතිමය බාධාව ඉවත්කර ගැනීමට ඔවුන්ට අවස්ථාව උදාවිය. එසේ නමුදු නොවැමබර් 27 වනදා මුලතිව් ඇතුළු ස්ථාන කිහිපයකදීම සිය ඥාතීන්ට මල් පහන් පූජාකිරීමට සූදානම් වූ දෙමළ ජනයාට පොලීසිය විසින් ඉතා නින්දිත ලෙස බාධාකරන ලදී. එමෙන්ම එම ප්‍රෙද්ශ පුරාම සති කීපයක් පුරා දැඩි ලෙස ආරක්ෂාව පනවා තිබුණි. 
ඡායාරූප – ෂන්මුගම් තවසීලන්
