ජාතික ජනබලවේගයේ මාතර දිස්ත්‍රික් අපේක්ෂක උපුල් කුමාරප්පෙරුම පැවසී ය.
හෙතෙම මෙලෙස පැවසුවේ මාතර දිස්ත්‍රික්කයේ පැවති මැතිවරණ ප්‍රචාරක රැළියකට සහභාගී වෙමින්.
එහි දී වැඩි දුරටත් අදහස් දැක්වූ උපුල් කුමාරප්පෙරුම…
ගුරුවරුන්ටත් ඉගැන්විය යුතු යි
‘‘කටපාඩම් අධ්‍යාපන ක්‍රමය වෙනුවට ළමුන් තුළ තාර්කික හැකියාව වර්ධනය වන ආකාරයට පාසල් විෂය නිර්දේශය සකස්විය යුතු යි. එමෙන්ම ලෝකයේ නවීන ඉගැන්වීමේ ක්‍රම මෙරට අධ්‍යාපන පද්ධතියට ඇතුළත් කරගත යුතු යි. දරුවෙක් නිවැරැදි මාර්ගයට ගන්න ඉගනීමට එහා ගිය තව හුඟාක් දේවල් කරන්න තියෙනවා. ලෝකයේ හුඟාක් රටවල පෙරපාසලේ සිට යම් කාලයක් යනකම් දරුවන්ට පොතේ පතේ දේවල් උගන්වන්නෙ නෑ. ඒ දරුවන්ට උගන්වන්නෙ සමාජමය දේවල්. නමුත් අපේ රටේ එහෙම දේවල් වෙන්නෙ නැහැ. අපිත් ඒ වගේ දරුවන්ට හොඳ ආකල්ප උගන්වන්න කටයුතු කරනවා. අපේ අධ්‍යාපන ක්‍රමය තුළ සාමාන්‍යපෙළ විභාගයට වෙනකොට දරුවෙක් විෂයන් නමයක් විතර කරනවා.
මේ විභාග ක්‍රමයෙන් සිද්ධවෙන්නේ ළමයින් කටපාඩම් කිරීමයි. එහෙම නැතුව ළමයින්ගේ තාර්කික හැකියාව වර්ධනය කරන්න ක්‍රමවේදයක් අපේ අධ්‍යාපන ක්‍රමයේ නෑ. කටපාඩම් ක්‍රමය නෙමෙයි අපි කරන්න ඕන ළමයින්ගේ මතක ශක්තිය වර්ධනය කිරීම යි. අපේ අධ්‍යාපන ක්‍රමය තුළ තාර්කික හැකියාව වර්ධනය වෙන්නෙ හරිම අඩුවෙන්. ඒ නිසා අපේ පාසල් විෂය නිර්දේශය නැවත සලකා බලනවා. පාසල හා ගුරුවරයා අතර බැඳීම වැඩි කරන්න ඕන. ඒ සඳහා ගුරුවරුන්ටත් ඉගැන්වීමේ නවීන ක්‍රම උගන්වන්න බළාපොරොත්තු වෙනවා.
ඉගැන්වීම කළ යුත්තේ ළමයගේ දක්ෂතාවය අනුව
අපේ රටේ තියෙන නරකම ලක්ෂණය තමයි තරුණ ගුරුවරුන් දුෂ්කර පළාත්වලට මාරුකරන එකයි වයසක ගුරුවරුන් නගරයේ පාසල් වෙත යොමු කරන එකයි. අපි ඒ ක්‍රමයත් වෙනස් කරනවා. දෙමාපියන්ගෙ තරග යේ කොටස්කරුවන් තමයි ළමයා. ඒ නිසා දෙමාපියන් ළමයින්ගෙන් බළාපොරොත්තු වෙන්නෙ ඉතාම ඉහළ වෘත්තීන්. ළමයා බළාපොරොත්තු වෙන දේවල් කරන්න බැහැ. හැම ළමයාම පොතට දක්ෂ නෑ. එක එක දරුවන්ට විශේෂිත වූ දක්ෂතාවයන් තියෙනවා. අපි ඒක හඳුනාගන්න ඕන.
(සටහන – ජයසිරි අලවත්ත)
theleader.lk
