මධ්‍යම තැපැල් හුවමාරුවද ඇතුලුව දිවයින පුරා තැපැල් කාර්යාල වල ලිපි දහසය ලක්ෂයක් පමණ ගොඩගැසී ඇති බව තැපැල් වෘත්තීය සමිති ඒකාබද්ධ පෙරමුණේ කැඳවුම්කරු චින්තක බණ්ඩාර පවසයි.
ඒ මහතා පවසන්නේ අතිකාල ඇතුළු සියලුම දීමනා නතර කිරීම, සේවක පුරප්පාඩු නොපිරවීම යන හේතූන් මත මෙම තත්වය ඇතිව ඇති බවයි. පැය 8 සේවාමුරය තුල මෙම තත්වය ඉදිරියේදී තවත් උග්‍රවිය හැකිබවද ඒ මහතා පන්වා දෙයි.
පවතින ගැටලු සහගත තත්ත්වය සම්බන්ධයෙන් තැපැල්පති රංජිත් ආරියරත්න හා තැපැල් වෘත්තීය සමිති අතර ඊයේ (2දා) සාකච්ඡාවක් පැවති අතර එම සාකච්ඡාවේ දී ද ගැටලුවලට විසඳුමක් නොලැබුණු බවත් හෙතෙම කියා සිටියේය.
