ශ්‍රී ලංකාවේ ත්‍රස්තවාදය වැළැක්වීමේ පනත සම්පූර්ණයෙන් ඉවත් කරන ලෙස ඉල්ලා දෙමළ ජාතික සන්ධානයේ (TNA) පාර්ලිමේන්තු මන්ත්‍රී එම්. ඒ සුමන්තිරන් මහතාගේ මුලිකත්වයෙන් ඊයේ (03) දින මුලතිව් මාධ්‍ය මධ්‍යස්ථානයේදී මහජන අත්සන් ව්‍යාපාරයක් දියත් කරන ලදී. ත්‍රස්තවාදය වැලැක්වීමේ පනත ඉවත් කරන ලෙස බලකරමින් සිදුකෙරෙන අත්සන් විරෝධතාව සම්බන්ධයෙන් එම්.ඒ.සුමන්තිරන් මහතා අදහස් පළ කරන ලදී.
”ශ්‍රී ලංකාවේ ත්‍රස්තවාදය වැළැක්වීමේ පනත මාස 6 යි අවුරුදු 42 ක කාලයක් සඳහා මෙතෙක් පනවනු ලැබූ නරකම නීතියයි. එය ඉවත් කරන බවට ශ්‍රී ලංකා රජය පැහැදිලිවම ජාත්‍යන්තර ප්‍රජාවට පොරොන්දු වී ඇත. පසුගිය රජය සමයේ ඒ සඳහා උත්සාහ දරා තිබෙනවා. එය අවසන් වී නැතත් ත්‍රස්තවාදය වැළැක්වීමේ පනත තිරසාර නොවන ප්‍රතිසංස්කරණයක් ලෙස මාධ්‍ය නිවේදනයක් නිකුත් කර තිබෙනවා.
මේ මොහොතේ අපි ආරම්භ කරන්නේ ත්‍රස්තවාදය වැළක්වීමේ පනත අහෝසි කරන බවට රජය දුන් පොරොන්දුව ඉටු කළ යුතු බවත් ත්‍රස්තවාදය වැළැක්වීමේ පනත සම්පූර්ණයෙන්ම අහෝසි කළ යුතු බවත් අපේ ජනතාව සෘජුව ඇඟවුම් කරන ලියවිල්ලකට අත්සන් තැබීමෙනි. අපි දිස්ත්‍රික්ක අටේ ගෙයින් ගෙට ගොස් ජනතාවගේ අත්සන් ලබාගැනීම අදින් පටන් ගන්නවා. ”
ත්‍රස්තවාදය වැලැක්වීමේ පනත සම්බන්ධයෙන්ද අදහස් දැක්වූ ඔහු කියා සිටියේ යාපනයේ ධීවර විරෝධතාවය සැලකිල්ලට ගෙන විරෝධතාව අවසන් කිරීමෙන් පසු අත්සන් විරෝධතාව උපරිමයෙන් සිදුකරන බවයි.
1979 අංක 48 දරණ ත්‍රස්ත මර්දන පනත (තාවකාලික) තවමත් අපේ නීති පොත්වල තිබෙන ම්ලේච්ඡම නීතියයි.
1979 දී තාවකාලික නීතියක් ලෙස සම්මත කරන ලද මෙම නීතිය, එහි මාතෘකාවට අනුව, බොහෝ දෙනෙකුට වසර 42 ක අසාධාරණයක් හා දුක් වේදනා සහ දුක්ඛිත තත්වයන් ඇති කරන ලදී.”
