කැනඩා පොලිස් නිලධාරියෙකුගේ ඇදුමට සමාන ඇදුමක් ඇදගත් නාදුනන තුවක්කුකරුවෙකු විසින් සිදුකල වෙඩි තැබීම් හේතුවෙන් 16 දෙනෙකුට අධික පිරිසක් මියගොස් ඇති බව ජාත්‍යන්තර මාධ්‍ය වාර්ථා කරයි. මෙම සිදුවීම සිදුව ඇත්තේ කැනඩාවේ “Nova Scotia” ප්‍රාන්තයේය.මියගිය පුද්ගලයන් අතරට කැනේඩියානු කාන්තා පොලිස් නිලධාරීනියක්ද වන අතර මේ වන තෙක් සිදුවීමෙන් සිදුවූ සම්පූර්ණ මරණ සංඛ්‍යාව ගණනය කරගැනීමට පොලීසිය අපොහොසත්වී ඇත්තේ වෙඩිතැබූ පුද්ගලයා විසින් “Nova Scotia” ප්‍රාන්තය පුරා සැරිසරමින් විවිධ ප්‍රදේශවල වෙඩි තැබීම් සිදුකර ඇති බැවිනි. පොලීසිය අනතුරු අගවන්නේ සිදුවීමෙන් සිදුව ඇති සම්පූර්ණ මරණ සංඛ්‍යාව ඉහළ යා හැකි බවයි.
කෙසේ වෙතත් පැය 12 ක මෙහෙයුමකින් පසු ඝාතකයා හසුකරගැනීමට පොලීසිය සමත්වී ඇති අතර මෙහෙයම්වලදී ඝාතකයාද මියගොස් ඇති බව මාධ්‍ය වාර්ථා කරයි.
(බීබීසී)
