Friday, April 4, 2025

කන්න කලින් හෝටලේ පිටිපස්ස ගැනත් බලන්න

Must read

මන්නාරම සෞඛ්‍ය වෛද්‍ය නිලධාරී කොට්ඨාශයට ලැබුණු පැමිණිල්ලකට අනුව බදාදා (2) පෙරවරුවේ එම ප්‍රදේශයට ගිය මන්නාරම නගරයේ සෞඛ්‍ය වෛද්‍ය නිලධාරී  ඇතුළු කණ්ඩායමක් මිනිස් පරිභෝජනයට නුසුදුසු ආහාර ද්‍රව්‍ය තොගයක් සොයාගෙන තිබේ. මෙම  ආහාර සකස් කර ඇති ස්ථානය  මන්නාරම මුවර් වීදියේ පදිංචියට නුසුදුසු නිවසකි. මෙම නිවසේ තිබී නුසුදුසු තත්ත්වයේ  තිබී ආහාර ද්‍රව්‍ය විශාල ප්‍රමාණයක් සොයා ගෙන ඇත්තේ පසුගියදා මන්නාරම සෞඛ්‍ය වෛද්‍ය නිලධාරී කාර්යාලයේ නිලධාරීන් විසින් සිදුකළ වැටලීමකදීයි.

ආහාර සුරක්ෂිතතා පනත උල්ලංඝනය කරමින් නිවසේ  සකස් කර ඇති ආහාර  පරීක්‍ෂණ පැවැත්වූ මන්නාරම නගර සෞඛ්‍ය නිලධාරී වෛද්‍ය රූබන් ලැම්බට් මහතා ඇතුළු කණ්ඩායමක් මිනිස් පරිභෝජනයට නුසුදුසු ආකාරයෙන් සකස් කර තිබූ ආහාර ද්‍රව්‍ය අත්අඩංගුවට ගන්නා ලදී.

අත්අඩංගුවට ගත් ආහාර ද්‍රව්‍ය තොගයක් අධිකරණ අවසරය මත විනාශ කිරීමට කටයුතු කරමින් සිටින අතර, කිසිදු අවසරයකින් තොරව මිනිස් පරිභෝජනයට නුසුදුසු ආහාර නිෂ්පාදනය කළ ස්ථානයේ හිමිකරුට එරෙහිව නඩු පැවරීමට පියවර ගෙන තිබේ.

මන්නාරම නගර සෞඛ්‍ය නිලධාරී වෛද්‍ය රූබන් ලෙම්බට් මහතා සඳහන් කළේ, එම ස්ථානයේ නිෂ්පාදනය කරන ලද ආහාර ද්‍රව්‍ය මන්නාරම ප්‍රදේශයේ විවිධ ආපනශාලා වෙත අලෙවි කිරීම සඳහා සපයා ඇති බවට පරීක්ෂණවලදී අනාවරණය වී ඇති බවයි.

එස්.ආර්.ලැම්බර්ට්.

 

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article