මූතූර් ප්‍රාදේශීය ලේකම් කොට්ඨාශයට අයත් නල්ලූර් ප්‍රදේශයේ පදිංචිව සිටී
ආදිවාසී ජනතාව විවිධ ගැටලුවලට මුහුණ දී සිටින අතර ඔවුන්ගේ අයිතිවාසිකම් ආරක්ෂා කිරීම සඳහා විශේෂ කමිටුවක් වහාම පත් කරන ලෙස නැගෙනහිර පළාත් ආණ්ඩුකාර සෙන්තිල් තොණ්ඩමාන් මහතා ත්‍රිකුණාමල දිස්ත්‍රික් ලේකම්වරයාට නියෝග කර තිබේ.
නල්ලූර් ප්‍රදේශයේ ආදිවාසී ජනතාව පසුගියදා ත්‍රිකුණාමලයේ ආණ්ඩුකාර ලේකම් කාර්යාලයේදී ආණ්ඩුකාරවරයා වෙත නල්ලූර් ප්‍රදේශයේ තම ජීවනෝපාය තර්ජනයට ලක්ව ඇති බවට පැමිණිල්ලක් ඉදිරිපත් කර තිබුණි.
ඉන් අනතුරුව ආණ්ඩුකාර සෙන්තිල් තොණ්ඩමාන් මහතා නල්ලූර් ප්‍රදේශයට පෞද්ගලිකව ගොස් විදේශීය ආක්‍රමණිකයන්ගේ ජීවන තර්ජන පිළිබඳව සොයා බැලූ අතර ආදිවාසී ජනතාව හමුවී සාකච්ඡා කළේය.
ඉන් අනතුරුව ඔවුන්ගේ ගැටලු සොයා බලා ගෝත්‍රික ජනතාවගේ අයිතීන් සුරැකීම සහතික කිරීම සඳහා වහාම කමිටුවක් පත් කරන ලෙස ආණ්ඩුකාරවරයා විසින් ත්‍රිකුණාමල දිස්ත්‍රික්කම්වරයාට උපදෙස් ලබා දෙන ලදී
