කොරෝනා සමයේ මුලතිව් දිස්ත්‍රික්කයේ පුදුකුඩිඉරිප්පු නගර ප්‍රදේශයේ මාර්ග බාධක ක්‍රියාත්මක වීමත් සමඟ මහජනතාව දැඩි අවදානමකට මුහුණ දී තිබෙනවා. විශේෂයෙන්ම පුදුකුඩිඉරිප්පු හන්දියේ සිට මාතලන් පාර හන්දිය දක්වා ඔඩ්ඩුසුඩාන් පාර හන්දිය සිට පරන්තන් පාර හන්දිය දක්වා මුලතිව් පාර දක්වා මාර්ග හතරේම මාර්ග බාධක පනවා තිබේ.සම්පුර්ණයෙන්ම මාර්ග නීති උල්ලංඝණය කරමින් දමා ඇති මාර්ග බාධක වහා ඉවත් කරන ලෙස මහජනතාව ඉල්ලා සිටිති.
විශේෂයෙන් ජනාකීර්ණ නාගරික ප්‍රදේශවලින් පැමිණෙන වාහන ආපසු පැමිණීමට මෙම මාර්ග බාධක ප්‍රධාන බාධාවකි.
මෙලෙස රථවාහන ගමනාගමනයට දැඩි බාධාවක් වන මෙම මාර්ග බාධක ඉවත් කරන ලෙසත් කොරෝනා හේතුවෙන් දමා ඇති මාර්ගයේ දැඩි වාහන ගමනාගමනයට බාධා ඇති කරන මෙම අවහිරතා ඉවත් කිරීමට අදාළ පාර්ශ්ව කටයුතු කරන ලෙස මහජනතාව ඉල්ලා සිටිති.
එමෙන්ම උතුරු පළාතේ මුරපොලවල් සහ මාර්ග බාධක ඕනෑවට වඩා පවතින බවත් මුලතිව් දිස්ත්‍රික්කයේ මුරපොලවල් විශාල ප්‍රමාණයක් තිබීම ජනතාවට විශාල බාධාවක් බවත් ජනතාව පුන පුනා පෙන්වා දී ඇත.
ෂන්මුගම් තවසීලන්
