එක්සත් ජාතික පක්ෂයෙන් මෙම නම් කිරීම ගැන චෝදනා කරමින් එය කුමන්ත්‍රණයක් බව පවසනවා නොවේදැයි කළ විමසීමකදී ලසන්ත අලගියවන්න පැවසුයේ, ඔවුන් කෙසේ කීව ද ඒවාට සැලෙන්නට අවශ්‍යතාවයක් නැති බවය.
” මොකක්ද මේ අය කියන කුමන්ත්‍රණය. මැතිවරණයට කලින් අපේ එකඟතාවයක් තිබුණා. ඒ වගේම එතුමාගේ නම ජාතික ලයිස්තුවෙත් තිබුණා. ඉතින් මොකක් ද කුමන්ත්‍රණය.” ලසන්ත අලගියවන්න පැවසිය.
නැවත කිසිම ආකාරයකින් සිලින්ඩරය සමග එක්ව මැතිවරණවලට තරග නොකරන බවත්, ශ්‍රී ලංකා නිදහස් පක්ෂය ප්‍රමුඛ සන්ධානයකින් ඉදිරි පළාත් පාලන මැතිවරණයට පුටුව ලකුණෙන් ඉදිරිපත් වන බව ඔහු කියා සිටියේය.
ශ්‍රී ලංකා නිදහස් පක්ෂයේ මධ්‍යම කාරක සභාව රැස්වී මෙම තීරණය ගත් බව ද ඔහු වැඩි දුරටත් පැවසිය.
theleader.lk
