ශ්‍රී ලංකාව ඇතුළු අග්නිදිග ආසියාව තුල Covid -19 රෝගීන් සැලකිය යුතු ප්‍රමාණයක් හමුවීමත් සමග ලෝක සෞඛ්‍ය සංවිධානය විසින් එම කලාපය වෙත දැඩි අනතුරු ඇඟවීමක් සිදුකර තිබේ.
Covid19 තත්වය ශීඝ්‍රයෙන් වර්ධනය වෙමින් පවතින බවත්, වෛරසය වැඩි පිරිසකට ආසාදනය වීම වැළැක්වීම සඳහා ගන්නා සියලු උත්සාහයන් වහාම ඉහළ නැංවිය යුතු බවත් ලෝක සෞඛ්‍ය සංවිධානයේ කලාප අධ්‍යක්ෂ ආචාර්ය පූනම් කේත්‍රපාල් සිං පවසයි.
“වෛරස් සම්ප්‍රේෂණය පිළිබඳ තවත් පොකුරු ප්‍රජාවන් සම්බන්ධ තොරතුරු සනාථ වෙමින් පවතිනවා. මෙය සුපරීක්ෂාකාරී හා ඵලදායී සෝදිසියක ඇඟවීමක් බව සඳහන් කළ යුතුයි. කොවිඩ්-19 තවදුරටත් පැතිරීම වැළැක්වීම සඳහා වඩාත් ආක්‍රමණශීලී හා සමස්ත සමාජ ප්‍රයත්නයන්හි අවශ්‍යතාවය පිළිබඳවද අවධානය යොමු කරන්න. තවත් බොහෝ දේ කිරීමට හා මෙය කඩිනම් කිරීමට අපට පැහැදිලිවම අවශ්‍යයි.” හෙතෙම වැඩිදුරටත් පැවසීය.
මේ වන විට ලෝක සෞඛ්‍ය සංවිධානයට අනුව අග්නිදිග ආසියා කලාපයේ රටවල් 11 න් 8 ක්ම රෝගීන් තහවුරු කර ඇත.
