මෙවර මඩකලපුව දිස්ත්‍රික්කයේ මැතිවරණ රාජකාරී සහ ඡන්ද පොළ රාජකාරී සඳහා රාජ්‍ය නිලධාරීන් 6750 දෙනෙකු මැතිවරණ රාජකාරියේ නිරත වන බව දිස්ත්‍රික් සහකාර මැතිවරණ කොමසාරිස් එම්.පී.එම්.සුබියන් මහතා පැවසීය.
අද (19) මාධ්‍ය වෙත අදහස් දක්වමින් ඔහු මේ බව පැවසීය.
ඔහු වැඩිදුරටත් සඳහන් කළ අතර,
පසුගිය කාලයේ මඩකලපුව මණ්ඩිවේ රෝහලේ තිබූ ඡන්ද මධ්‍යස්ථානය මෙවර ඡන්දය ප්‍රකාශ කිරීමට කටයුතු යොදා ඇත්තේ මඩකලපුව පුදූර් විග්නේෂ්වර විද්‍යාලයේ අංක තුනේ ශාලාවේය. දෙදෙනෙකුට ඡන්දය දිය හැකි ලංකාවේ කුඩාම ඡන්ද මධ්‍යස්ථානය එයයි.
හෙට සිකුරාදා පෙරවරු 7.00 සිට මඩකලපුව මැතිවරණ මධ්‍යස්ථානය වන මඩකලපුව හින්දු විද්‍යාලයෙන් ඡන්ද පත්‍රිකා බෙදා හැරීමට නියමිතය.
මෙවර මැතිවරණ රාජකාරී සහ ඡන්ද පොළ රාජකාරී සඳහා මඩකලපුව දිස්ත්‍රික්කයේ රාජ්‍ය නිලධාරීන් 6750ක් මැතිවරණ රාජකාරියේ නිරත වීමට නියමිතයි.
පොලිස් නිලධාරීන් සහ විශේෂ කාර්ය බළකාය 1514ක් දිස්ත්‍රික්කයේ ආරක්‍ෂක රාජකාරියේ යෙදී සිටිති. මෙතෙක් ඡන්ද හිමි කාඩ්පත් නොලැබුණු ඡන්ද දායකයින් සෘජුවම තැපැල් කාර්යාල වෙත ගොස් ඡන්ද කාඩ්පත ලබා ගන්නා ලෙස ඉල්ලීමක් කෙරේ.
මැතිවරණ ආරවුල් විසඳීමේ මධ්‍යස්ථානයට මේ වනවිට පැමිණිලි 52ක් ලැබී තිබේ. දිස්ත්‍රික්කයේ ප්‍රාදේශීය ලේකම් කාර්යාල 14ම සිකුරාදා සිට සම්බන්ධක කාර්යාල ක්‍රියාත්මක වන බවද ඔහු පැවසීය.
