පසුගිය මාර්තු 29 වනදා ආරම්භ කල පුත්තලම සහිරා ජාතික පාසලේ ක්‍රියාත්මක වූ නිරෝධායන මධ්‍යස්ථානයේ නිරෝධායනය වෙමින් සිටි අවසන් පිරිසත් සිය නිරෝධායන කාලය අවසන් කර පිටව යාමත් සමග එම නිරෝධායන මධ්‍යස්ථානය තුල මේ වන විට කිසිදු පුද්ගලයෙකු නිරෝධායන ක්‍රියාවලියට ලක් වන්නේ නැත.
මෙම නිරෝධායන මධ්‍යස්ථානය තුල පුද්ගලයන් 98 දෙනෙකු නිරෝධායනයට ක්වූ අතර ඉන් 16 දෙනෙකු කොරෝනා වෛරසය ආසාදිතයන් බවට තහවුරු වීමෙන් අනතුරුව IDH රෝහලට හා මුල්ලේරියාව නැගෙනහිර මහ රෝහල වෙත ප්‍රතිකාර සදහා යොමු කෙරිණි.
නිරෝධායන මධ්‍යස්ථානයක් වශයෙන් සහිරා ජාතික පාසලේ අධීක්ෂණ කටයුතු සිදුකරන ලද්දේ යුධ හමුදාව විසින් වන අතර සෞඛ්‍ය කටයුතු භාරව කටයුතු කරන ලද්දේ පුත්තලම සෞඛ්‍ය වෛද්‍ය නිලධාරීවරයා ඇතුලු කාර්යමණ්ඩලය විසිනි.
